Ժամանակավոր կառավարության և ոստիկանության տխուր օրերը շարունակվում են․ Վահե Գրիգորյան

Սահմանադրագետ Վահե Գրիգորյանը գրում է․

Ժամանակավոր կառավարության և ոստիկանության տխուր օրերը շարունակվում են:

ՀՀ ոստիկանությունը 07.11.2021թ.-ի թիվ 348 որոշմամբ դիմակ չկրելու համար 10000 ՀՀ դրամի չափով տուգանք էր նշանակել քաղաքացի Հայկազ Աբելյանի նկատմամբ, որը Իմ կազմած հայցադիմումով վիճարկվում էր ՀՀ վարչական դատարանում ՎԴ/13559/05/21 գործով:

Մինչև գործով միանշանակ հաղթանակի վճռի կայացումը` դատարան է ներկայացվել է ՀՀ ոստիկանության Տավուշի մարզային վարչության 07.02.2022թ.-ի թիվ 8 որոշումը, որով անվավեր է ճանաչվել սույն գործի շրջանակներում վիճարկվող տուգանք նշանակելու մասին ՀՀ ոստիկանության 07.11.2021թ.-ի թիվ 348 որոշումը:

Այս հիմքով տուգանք նշանակելու մասին որոշումը վերացվել է, իսկ ՎԴ/13559/05/21 գործը` կարճվել, իսկ ոստիկանության վրա դրվել է Հայկազ Աբելյանին 4000 դրամ վճարելու պարտականություն որպես վճարված պետտուրքի փոխհատուցում:

Մի խոսքով` ոստիկանությունը հերթական անգամ պարտվեց, այս անգամ`ինքնակամ, իսկ քաղաքացու խախտված իրավունքը վերականգնվեց, նրա կողմից վճարված պետտուրքն էլ փոխհատուցվեց:

Շնորհակալություն