ՀՀ ԶՈւ-ին պատկանող որևէ ԱԹՍ չի խոցվել Ադրբեջանի կողմից․ Արծրուն Հովհաննիսյան

Անդրադառնալով Ադրբեջանի կողմից հայկական ԱԹՍ խոցելու հետ կապված հարցին, նա ասաց, որ հայկական  որեւէ ԱԹՍ չի խոցվել:

Հարցին, թե Ադրբեջանը պատրաստվում է սիրիական ընդդիմության զինյալներ ուղարկել հայերի դեմ, Արծրուն Հովհաննիսյանը նշեց, որ մեր ԶՈւ-ն պատրաստ է սահմանների ապահովմանը` անկախ նրանից, թե նրանք թուրք զինյալներ են, մահմեդական ծայրահեղականներ, թե ադրբեջանական ԶՈւ զինծառայողներ են: 

Նա նաև հայտնեց, որ ՀՀ Զինված ուժերը վաղուց կարող էին հարվածներ հասցնել Ադրբեջանի ենթակառուցվածքներին, սակայն երբեք չենք ունեցել եւ չունենք նման ցանկություն։

«Դա նոր քարոզչական թեզ է արտաքին աշխարհին ուղղված, դա Ադրբեջանի կողմից շրջանառվող կեղծ թեզ է: ՀՀ Զինված ուժերը տեխնիկապես վաղուց կարող էին դա իրականացնել, բայց մենք նման ծրագիր չենք ունեցել, չունենք եւ դա հայեցի չի ոչ մի տեսանկյունից: Նավթա եւ գազամուղները, որոնք միջազգային ընկերություններին են պատկանում եւ Ադրբեջանի տարածքով են անցնում, թող վստահ լինեն, որ ՀՀ-ն անվտանգության երաշխավոր է եւ ոչ թե սպառող, ՀՀ-ն ավելի լավ կարող է ապահովել դրանց անվտանգությունը, քան ուրիշ մեկը տարածաշրջանում»,- ասաց  նա: