23  01  2020

Պայթյուն չի եղել, ինքնաթիռ չի ընկել․ Սիփան Փաշինյանը հերքում է

Պայթյուն չի եղել, ինքնաթիռ չի ընկել․ Սիփան Փաշինյանը հերքում է

ԱԺ պատգամավոր Սիփան Փաշինյանը ֆեյսբուքի իր էջում գրում է, որ Տավուշի մարզում որեւէ արտառոց բան չի կատարվել, ոչ պայթյուն է որոտացել, ոչ էլ ինքնաթիռ է ընկել:

Վերջին ժամերին տարբեր օգտատերերի կողմից սոցցանցերում տարածված գրառումներն, պատգամավորի խոսքով, ապատեղեկատվություն են:  

«Սիրելի հայրենակիցներ, տարբեր օգտատերերի կողմից ապատեղեկատվություն է տարածվում առ այն, որ Տավուշի մարզի գյուղերից մեկում պայթուն է որոտացել, մի մասն էլ տարածում է, թե Ենոքավան գյուղում ինքնաթիռ է վայր ընկել: Այս լուրերը չեն համապատասխանում իրականությանը: Մարզում ամեն ինչ հանգիստ է, որևէ արտառոց դեպք չի գրանցվել»,- գրել է Սիփան Փաշինյանը:

Թեմային անդրադարձել է նաև Տավուշ մարզպետ Հայկ Չոբանյանը։ Նա ֆեյսբուքյան էջում գրել է․

«Սիրելի բարեկամներ, ստորև պաշտոնական տեղեկատվություն է՝ տեղի ունեցած օդային զորավարժությունների վերաբերյալ։ Որևէ պատահար տեղի չի ունեցել»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ