Քաղաքապետն առաջարկում է քաղաքն աղտոտող վարորդներին տուգանել 200 հազար դրամով

Քաղաքապետարանում կազմակերպված գործակարգավարական խորհրդակցության ժամանակ Երևանի քաղաքապետի խորհրդական Կամո Արեյանն ասաց, որ  բետոնատար մեքենաներն աղտոտում են մայրաքաղաքի երթևեկելի հատվածները․ խնդրով պայմանավորված հրավիրվել է հանդիպում ՝ Երևան քաղաքում  այդ ուղղությամբ տնտեսվարող 11 սուբյեկտների ղեկավարների հետ։

«Համաձայն իրենց տված բացատրության  ավտոմատացված է իրենց մոտ ռեժիմը  և յուրաքանչյուր բեռնման խորանարդ մետրը  ֆիքսվում է։  Տված բացատրությունը նորմալ է , որ ոչ ոքի ձեռնտու չէ ավելորդ կորուստ տալ բետոնի ծավալի մեջ՝ ճանապարհին թափվելով։ Երկրորդը՝ ինչքան էլ փորձեն ավել բեռնեն, համակարգը թույլ չի տալիս։ Այնուամենայնիվ , քննարկման արդյունքում  խոստովանել են բոլորը միաձայն, որ պրոբլեմն իրենց վարորդների մոտ է,   մեքենան ոչ ճիշտ շահագործելու մեջ է պրոբլեմը»,-ասաց Կամո Արեյանը հատկանշելով, որ Երևան քաղաքում չի կիրառվում բեռներ փոխադրող մեքենաների կարգը,  այն նախատեսված է միայն միջպետական մայրուղիների համար՝ տեղադրված կշեռքներով։

«Չէ՞ որ Երևանն  էլ ունի՝ մարզերն իրար կապող  տրանզիտ հատվածներ․  առաջարկել ենք ոչ միայն բետոնախառնիչների խնդրի մասով, լրջագույն խնդիր է մարզերից եկող  բարձր բեռնվածության մեքենաները, որոնք  ճզմում են տաքացած ասֆալտը» ,-ասաց Կամո Արեյանը։ Քաղաքապետն էլ հետաքրքրվեց, թե՝ օրինակ քաղաքն աղտոտող  բեռնատարների վարորդների տուգանքը որքան է, ի պատասխան,  Կամո Արեյանն ասաց՝  30 հազար դրամ։

Քաղաքապետն էլ արձագանքեց, որ եթե 30 հազար դրամ տուգանքը սահմանվի 200 հազար դրամ, վարորդը կմտածի ոնց վարի, որպեսզի չախտոտի քաղաքը։

Մանրամասն՝ տեսանյութում։