17 10 2019

1937թ․ տեռորի և 2019թ․ գավառական տեռորի մեթոդները նույնն են․ գնահատական

1937թ․ տեռորի և 2019թ․ գավառական տեռորի մեթոդները նույնն են․ գնահատական

Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը ֆեյսբուքյան էջում գրել է․

«ՉԷԻ ՊԱՏԿԵՐԱՑՆԻ

Հաստատվեց․

ՍԴ նախագահ Հրայր Թովմասյանի երկու դուստրերն ու հայրը հրավիրվել են КГБ, ներեցեք ԱԱԾ «զրույցի»։ Միայն օրենքի շրջանակներում գործող, ժողովրդի իրավապահ մարմինները ուսումնասիրում են Հրայր Թովմասյանի հայրական տան տանիքը։ Հավանաբար նրանց սուր, մասնագիտական աչքից չեն վրիպի այն հսկայական չարաշահումները, որ կատարվել է տանիքի կառուցման ժամանակ։ Եվ, հավանաբար շուտով կլսենք ԱԱԾ հաղորդագրությունը․ « Հրայր Թովմասյանը․․․․առևերույթ հանցագործություն ․․․և այլն»։

Այսպիսի պատմություններ երեխա ժամանակ լսել եմ իմ ծնողներից հեռավոր ստալինյան 37թ․ ժամանակների մասին և չէի պատկերացնի , որ 21-րդ դարի Հայաստանում ինքս դրան ականատես կլինեմ։ Նման անհեթեթ պատմություններ էին ներկայացվում և ժողովուրդը հավատում էր․ «Ա՛յ, ա՛յ, ա՛յ։ Նստեցնել, գնդակահարել ժողովրդի թշնամիներին»։ Առավել «լոյալները»․ «Դե՛․ մի բան արած կլինի, հո՛ հենց էնպես չէին բռնի»։

 Իհարկե, 1937 թ․ բոլշևիկյան տեռորն, իր մասշտաբներով չես համեմատի 2019թ․ «ժողովրդավարական» Հայաստանի գավառական տեռորի հետ։ Բայց մտածողությունն ու մեթոդները նույնն են։ Եվ ովքեր ողջունում են սույն գործողությունները կամ լռում են, պատասխանատու են Հայաստանի ապագայի համար, անկախ կուսակցական պատկանելիությունից, Հրայր Թովմասյանի նկատմամբ վերաբերմունքից»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ