Այստեղ այսօր պետք է մաքսատուն բացվեր․ Թարմ լուսանկարներ՝ չկատարած խոստումից

Այսօր՝ հոկտեմբերի 11-ին, նախատեսված էր Գյումրիում ավտոմաքսատան բացում։ Այս մասին դեռևս օգոստոսի 25-ին Գյումրիում լրագրողների հետ զրույցում ասել էր ՊԵԿ նախագահ Դավիթ Անանյանը․ «Հոկտեմբերի առաջին տասնօրյակն ավարտելուն անմիջապես հետո պլանավարում ենք բացումը հայտարարել։ Հոկտեմբերի 11-ին նախատեսված է ավտոմաքսատան բացում»,- ասել էր Անանյանը։

Այնուհետև սեպտեմբերի 6-ին Պետական եկամուտների կոմիտեի պաշտոնական կայքէջը հրապարկեց լուր հոկտմեբերի 11-ին ավտոմաքսատան բացվելու մասին։

ՊԵԿ նախագահն ասում էր, որ աշխատանքի տեմպերը չեն գոհացնում, նախանշված ժամկետները պետք է պահպանել, և եթե ընթացքում անհրաժեշտություն առաջանա, շինարարությունը կիրականացվի 24-ժամյա աշխատանքային ռեժիմով։

Այսօր՝ հոկտեմբերի 11-ին, Գյումրու մաքսատան տարածքում կառուցված է շենքի չնչին մասը, և երևում է, որ այս տեմպերով դեռ այս տարի բացում տեղի չի ունենա։

ՊԵԿ-ի կայքում էլ ժամկետների երկարացման մասին որևէ տեղեկություն չգտանք։

Գուցե Դավիթ Անանյանը հոկտեմբերի 11 ասելով նկատի է ունեցել հաջորդ որևէ տարվա՞ այդ օրը։

Փաստենք, սակայն, որ Անանյանը չկարողացավ պահել խոստումը, ինչը սովորական բան է այսօրվա իշխանության համար։

Չնայած՝ օրվա ավարտին դեռ մի քանի ժամ կա, ո՞վ իմանա։ Փաշինյանն ասում էր, թե կախարդական փայտիկ ունի։