17 09 2019

Եթե փախնող լինելի, այսօր Ստեփանակերտում ադրբեջանցիք թեյ խմելուց կլինեին․ Քոչարյան



ՀՀ երկրորդ նախագահ Ռոբերտ Քոչարյանի ելույթը՝ դատարանում՝ գրավի միջնորդությունը ներկայացնելիս․ «Քննությունից թաքնվելու հանգամանը․ երևի դատախազության աշխատողների համար դժվար է սա հասկանալ ընդհանրապես, բայց այն տեսակի մարդը չեմ, որ կարող է փախնել ինչ-որ բանից։ Հասկանում եմ, որ իրոք դժվար է սա պատկերացնել և շատ-շատերի համար։ Եթե փախնող լինելի, այսօր Ստեփանակերտում ադրբեջանցիք թեյ խմելուց կլինեին։ Իմ համար իրոք վիրավորական է, որ ստիպված եմ դա ասել։ Որովհետև մարդու կենսագրությունը շատ ավելի լավ է խոսում մարդու մասին, քան այն հայտարարությունները, որ կարող են անել։ Չեմ ուզում այս թեմայի մեջ խորանալ։

Երկրորդը․ Ասում են՝ կարող է ազդել, խոչընդոտել քննությանը։ Փաստաբաններն ասացին, որ այդպիսի փաստեր չկան, բայց քանի որ մենք բավական լավ ծանոթ ենք քրեական գործին, նաև չկա այն սուբյեկտը, որի վրա պետք է ազդել՝ որևէ բան փոխելու համար։

Հարգելի դատավոր, որովհետև դուք էլ ունեք քրեական գործը, իմ հետ կապված երկու-երեք դրվագ կա․ առաջինը հանդիպումն է բարձրագույն զինվորական կազմի հետ՝ փետրվարի 23-ին նախագահականում։ Հարցաքննվել են 12-13 հոգի, ներկա են եղել մոտ 25 մարդ։ Քննարկում չի եղել, ուղղակի ես ելույթ եմ ունեցել։ Կան ցուցմունքները, ձեզանից կպահանջվի 40-50 րոպեց՝ ծանոթանալ այդ ցուցմունքների հետ՝ համոզվելու՝ այստեղ ինչ-որ բան փոխելու մոտիվացիա պե՞տք է ունենամ, թե՝ ոչ։ Եթե այդ 40 րոպեն տրամադրեք, կարող եք ծանոթանալ։ Ես կարող եմ տրամադրել նաև ըստ հատորների, ո՛ր ցուցմունքը ո՛ր հատորն է, որովհետև հասկանում եմ՝ 80 հատորի մեջ փնտրելը դժվար է։

Եվ կա ևս երեք-չորս մարդու ցուցմունք, որոնք այդ շաբաթվա ընթացքում ինձ հետ ընդհանրապես շփում են ունեցել, հեռախոսով, թե՝ անմիջապես։ 850 վկայից միայն նրանք են, որ ինձ տեսել են ֆիզիկապես կամ ինձ հետ շփվել են։

Նրանցից մեկն ԱԺ նապագահ Տիգրան Թորոսոյանն է, որի հետ ես քննարկել եմ արտակարգ դրության հրամանագիրը։ Սերժ Սարգսյանի հետ՝ որպես վարչապետ, համաձայնացրել եմ հրամանագիրը։ Հայկ Հարությունյանն է, ոստիկանապետը, որին իր ցուցմունքում ասում է, որ ինձ տեղյակ է պահել որոշ գործողությունների մասով, և Արմեն Գևորգյանն է, որին հանձնարարվել է արտակարևգ դրության մասին հրամանագիրը պատրաստել։ Վերջ։ Ամբողջ հատորների մեջ չկա մի մարդ այս շրջանակներից դուրս, որն ինձ տեսած լիներ, իմ հետ շփված լիներ ուղղակի, անուղղակի, միջնորդավորված։ 

Ձեզանից ընդամենը 40 րոպե է տևելու, միգուցե 50 րոպե։ Դուք կտեսնեք՝ այդ բոլոր ցուցմունքների հետ ես համափձայն եմ, փոխելու բան չկա, ասել են այն, ինչ եղել է։ Բացի հայտնի Արշակ Կարապետյանից, որը ճիշտ նկարագրելով այդ հանդիպումը, ընդամենը մեկ նախադասություն է ասել, որն իրականությանը չի համապատասխանում և որը չեն հաստատում 12 ուրիշ ցուցմունքներ, թե իբր ես բանավոր հայտարարել եմ արտակարգ դրություն փետրվարի 23-ին։ Այս հայտարարությունն աբսուրդ է, բանավոր արտակարգ դրություն չի լինում և որևէ հետևանքներ դրանից հետո չի եղել։ Դուք այդ նյութերին ծանոթանալով՝ կարող եք պատկերացնել, թե այդ ինչի վրա ես կարող եմ ազդել ու ինչի համար պետք է ազդեմ, որ ի՞նչ փոխվի այհդ ցուցմունքներում։ 

Հիմա ուզում եք խորնաալ այդքանը պատկերացնելու համար, թե չեք ուզում, ձեր ասելիքն ու անելիքն է։

Ինչ վերաբերում է գրավին։ Միայում եմ փաստաբանների ասածին։ Եթե դուք ապասառեցնեք իմ հաշիվները, մեկ վիճակ է, եթե չեք ապասառեցնում, մեկ ուրիշ իրավիճակ է։ Ես չգիտեմ՝ ինչ ասեմ, որովհետև չգիտեմ, թե ինչ եք մտադրված։ Փաստը նա է, որ իմ և իմ ընտանիքի հաշիվները աասառեցված են, ես պետք է ինչ-որ մեկից վերցնեմ։ Ես կյանքում պարտքեր չեմ արել։ Չեմ արել, էն տեսակը չեմ։ Հիմա եթե չեք ապասառեցնում, ադ գումարի չափը դուք որոշեք»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ