16 09 2019

Քոչարյանին ազատ չարձակելու դեպքում նոր շարժում սկսվի․ «Փաստ»

Քոչարյանին ազատ չարձակելու դեպքում նոր շարժում սկսվի․ «Փաստ»

Past.am-ը գրում է․ «Վաղը դատարանը կհրապարակի Ռոբերտ Քոչարյանի խափանման միջոցի հարցով որոշումը: Մեր ունեցած տեղեկություններով, այն դեպքում, եթե վաղը դատարանը ազատ չարձակի Քոչարյանին, մի շարք քաղաքական գործիչներ և տարբեր քաղաքական կուսակցությունների ներկայացուցիչներ պատրաստվում են սկսել նոր շարժում՝ հիմնադրելով «Ռոբերտ Քոչարյանի ազատության կոմիտե»  անվանումով կազմակերպություն։

Մեր աղբյուրի պնդմամբ, այդտեղ ներգրավված կլինեն արդեն ոչ միայն հասարակական, քաղաքական գործիչներ, իրավունքների պաշտպանության մասնագետներ, փաստաբաններ և այլն, այլ նաև մշակույթի և սպորտի հայտնի դեմքեր, անվանի գործարարներ։ Տեղեկության համաձայն, նրանք դեռ սպասում են դատարանի վաղվա որոշմանը՝ ազա՞տ են արձակում՝ շարունակելով դատական պրոցեսը, թե՞ շարունակում են պահել կալանքի տակ։ Այսինքն, ստացվում է, որ եթե Քոչարյանին ազատ չարձակեն, փաստացի Հայաստանում սկսվում է կազմակերպված մի նոր շարժում»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ