22  04  2019

Հայերը և ուկրաինացիները պետական ճգնաժամի մեջ հայտնված հանրություններ են․ կարծիք

Հայերը և ուկրաինացիները պետական ճգնաժամի մեջ հայտնված հանրություններ են․ կարծիք

Քաղաքական վերլուծաբան Ստեփան Դանիելյանը ֆեյսբուքյան էջում անդրադարձել է Ուկրաինայի նախագահական ընտրություններին։

Նա, մասնավորապես, նշել է.

«Ուկրաինայում կատարվեց այն, ինչ-որ Հայաստանում էր կատարվել։ Հին համակարգերն իրենց սպառել էին, մարդիկ փոփոխություն են ցանկանում ու իրենց ձայները տվեցին անօրակարգ պոպուլիստներին ու անկեղծորեն պետք է ընդունենք, որ պոպուլիստներն դրանում մեղավոր չեն, նրանք ընդամենն առիթից օգտվում են։ Պատճառներն ավելի խորքային են։

Հայերն ու ուկրաինացիները գաղափարական, ու եթե կուզեք քաղաքակրթական առումով չկողմնորաշված ու պետական ճգնաժամի մեջ հայտնված հանրություններ են։

Տարբերությունը միայն ձեւի մեջ է, Հայաստանում ժողովրդի ուղղակի միջամտությամբ է փոխվել իշխանությունը, որից հետո այն ֆիքսվել է ընտրությունների ժամանակ, իսկ Ուկրաինայում՝ միանգամից ընտրությունների միջոցով ու իրենց բախտը այս անգամ բերել է, իրենք առանց արյան չեն կարողանում բունտ անել։

Քաղաքակրթական ու աշխարքաղաքական ճեղքվածքներում գտնվող երկրներ են ու իրենց բախտը հանձնել են մերժողներին, սակայն ինչ են ուզում, իրենք էլ չգիտեն՝ աջ գնան - ձախից են հարված ստանալու, ձախ գնան՝ աջից, տեղում կանգնած մնան՝ ստանում են ճահիճ։

Սակայն մեկ բան պարզ է. պոպուլիզմը ապագա չի, դրանք ընդամենը ժամանակավոր կառավարություններ են՝ պաուզա իրական փոփոխություններից առաջ։

P.S. Նոր նախագահների առաջին այցը խորհրդանշական բնույթ ունի ու Զելինսկին մի տարբերակ ունի, այց կատարել ՈչՄիՏեղ՝ Հայաստան»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ