06  12  2018

Մոտենում ենք կուլմինացիային․ «Հրապարակ»

Մոտենում ենք կուլմինացիային․ «Հրապարակ»

«Հրապարակ»-ը գրում է․ «Արտահերթ ընտրությունների քարոզարշավը սրընթաց էր, եւ կարճ տեւողությունը լրացուցիչ լարում ու նյարդայնություն հաղորդեց բոլորիս։ 11 օրվա մեջ 35-40 օրվա ընտրապայքար տեղավորելը հեշտ չէր, նաեւ դրանից է այս տենդագին մրցակցությունը։ Իսկ վերջին 2 օրը, ըստ ամենայնի, կվերածվի գլադիատորական մարտերի, որի կուլմինացիան հեռուստաբանավեճն էր եւ դրանից մի քանի ժամ առաջ տարածված հեռախոսազրույցների գաղտնալսման 2-րդ սերիան։

Եթե առաջինի դերակատարներն ԱԱԾ եւ ՀՔԾ պետերն էին, ապա երկրորդում՝ նաեւ Նիկոլ Փաշինյանը։ Առաջին հայացքից, իհարկե, ոչ մի արտառոց բան չեն խոսում զրուցակիցները։ Մանավանդ, տրորված ու ոչնչացված իրավական համակարգով երկրում նորմալ է համարվում, որ ԱԱԾ պետը զեկուցում է երկրի ղեկավարին Յուրի Խաչատուրովի եւ Ռոբերտ Քոչարյանի քրեական գործերի ընթացքի, կալանքի, դատավորի հետ խոսակցության, ՀԱՊԿ քարտուղարին ձերբակալելու հետ կապված ռուսական արձագանքի եւ հարակից թեմաների մասին։

Շարքային շատ քաղաքացիներ երեկ իրենց սիրելի իշխանություններին վերաբերող այդ ձայնագրությանը հենց այդպես էլ արձագանքում էին՝ «ի՞նչ ա եղել որ», «վարչապետ ջան, դուխով, ՀՀԿ-ն խուճապի մեջ ա» եւ այլն։ Իրոք՝ ի՞նչ է պատահել․ ընդամենը պարզվել է, որ մեզանում, այնուամենայնիվ, դատավորները զանգում եւ զանգվում են, ճշտում իրենց անելիքը, իսկ դատական նիստի ընթացքը՝ կալանքի սանկցիա տալը, գրավ կիրառելը, խափանման միջոց ընտրելը ոչ թե քրեական հետապնդում իրականացնող մարմնի կամ դատարանի իրավասությունն է, այլ բարձր իշխանության։ Որ հանցագործին «պատժելիս» այդ իշխանությունը ռուսական արձագանքն է հաշվի առնում, այսինքն՝ քաղաքական գործոնը։ Որ ԱԱԾ պետը համոզում է վարչապետին չկալանավորել ինչ-որ մեկին, իսկ դատավորը կանի՝ «ոնց կասեն»»։

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ