Ոստիկանությունն ինչպես աշխատում է, այնպես էլ հաղորդագրություն է տարածում

17:30 սոցցանցերում լտեսանյութ հրապարակվեց, որ Երևանի Նոր Նորքի ոստիկանության շենքի մոտ պայթյունի ձայն է լսվել։

Այնուհետև մամուլը հրապարակեց, որ Նոր Նորքի ոստիկանության բաժանմունքի տարածքում տեղի ունեցած միջադեպից հետո 2 քաղաքացի բեկորային վնասվածքներով տեղափոխվել է բուժհաստատություն։

Հայտնի դարձավ, որ երեք քաղաքացի զինված փորձել են ներխուժել ՆԳՆ ոստիկանության Նոր Նորքի բաժնի վարչական շենք, գործադրել են նռնակ, ինչի հետևանքով նրանցից երկուսը վիրավորվել են: Ունեն ստորին վերջույթների բեկլորային վնասվածքներ։

Նռնակով զինված մեկ անձ այս պահին ոստիկանության շենքի դիմաց է։

Տարածքում բազմաթիվ ոստիկաններ են և քաղաքացիներ։

Հիշեցնենք՝ այս ամենը տեղի է ունեցել ոստիկանության շենքում, սակայն ոստիկանությունը միայն մեկ հաղորդագրություն է տարածել՝ 18։13 րոպեին՝ հրապարակելով այն, ինչ մամուլն արդեն հրապարակել էր։ 19։15-ի դրությամբ, այլ հրապարակում ՆԳ նախարարությունը չի արել։

Միակ ավել նորությունն այն էր, որ ոստիկանությունն աշխատանքներ է տանում նռնակով զինված անձին վնասազերծելու համար։

Կրկնենք՝ այս ամենտ ըեղի է ունենում ոստիկանության շենքում, այնինչ ոստիկանությունը անգաամ իրենց շենքում կատարվողի մասին չի կարողանում պատշաճ տեղեկություններ հաղորդել։

Մարդիկ չեն հասկանում ինչ է կատարվում և հավաքվում են ոստիկանության շենքի մոտ՝ ինֆորմացիա ստանալու։

Հայտնի չէ, թե ինչ է պահանջում նռնակով զինված անձը, քանի որ նա հեռու է նկարահանողներից, իսկ ոստիկանությունը չի հայտնում։