Այս ամենը, ինչը տեղի է ունենում վերջին ժամանակներս, ամբողջությամբ ուղղված է մեր օրինականության, սահմանադրականության, պետականության, ազգայնության վերջին նշույլները վերացնելուն: Այս մասին «Դալմա Գարդեն Մոլ» առևտրի կենտրոնի մոտ հայտարարեց Վանաձորի նախկին քաղաքապետ Մամիկոն Ասլանյանը։
«Հետևաբար նման բիրտ մեթոդներով մարդու նկարը ինչո՞ւ եք հանում։ Ասենք մարդու նկարը հանեցիք, անունը ջնջեցիք, ՀԷՑ-ը խլեցիք, իր կատարած գործե՞րն ինչ եք անելու, կառուցած շենք-շինությունների հետ ի՞նչ եք անելու, պայթեցնելո՞ւ եք։ Որևէ մեկը չի կարող նման մարդուն բռնաճնշումների միջոցով ծնկի բերել։ Իրենց մոտ պաթոլոգիկ վախ կա իշխանությունը կորցնելու, բայց խորհուրդս այն է, որ ավելի լավ է Սամվել Կարապետյանի և հայակենտրոն, բարերար, գթասիրտ, աստվածավախ մարդկանց ձեռքով իշխանափոխությունը տեղի ունենա, քան թե ռադիկալ, ավելի վատ միջոցներով, ինչպես տարածաշրջանի այլ երկրներում էր»,- նշեց նա։
Մանրամասն՝ տեսանյութում։
