23 03 2019

Ստեփանակերտում կբացվի 13 տարի շարունակ կառուցվող եկեղեցին․ «Հրապարակ»

Ստեփանակերտում կբացվի 13 տարի շարունակ կառուցվող եկեղեցին․ «Հրապարակ»

«Հրապարակ»-ը գրում է․ «Ապրիլի 7-ին տեղի կունենա Ստեփանակերտի այդքան սպասված Աստվածամոր Սուրբ Հովանի մայր տաճարի բացումը։ Եկեղեցու կառուցումը սկսվել է դեռևս 2006 թվականին, սակայն ֆինանսական միջոցների սղության պատճառով շինարարությունը սկզբնական փուլում դանդաղ է ընթացել: Տարբեր բարերարներ ու անհատ մարդիկ են ձեռք մեկնել։ Բազմանկյուն եռահարկ եկեղեցու բարձրությունն ավելի քան 40 մետր է, խաչի բարձրությունը՝ 3 մետր։

Մոտավոր հաշվարկով ավելի քան կես միլիոն դոլար է ծախսվել եկեղեցու կառուցման համար, և այդ հարցում, ի դեպ, իրենց ավանդն են ունեցել Հայաստանի և Արցախի նախկին պաշտոնյաները, ինչպես նաև Արցախի ներկայիս ղեկավարությունը։

Մեզ չհաջողվեց ճշտել, թե ովքեր են հրավիրված եկեղեցու բացմանը, սակայն, մեր աղբյուրների փոխանցմամբ, ներկայանալի միջոցառում է նախաձեռնվում։

Հիշեցնենք, որ ճարտարապետը Գագիկ Երանոսյանն է, որի նախագծով կառուցվող Աստվածամոր Սուրբ Հովանի մայր տաճարը թվով երկրորդ եկեղեցին է Արցախի մայրաքաղաքում»:

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ