27 05 2023

Անհանգիստ իրավիճակ է ՔՊ-ի ներսում․ «Փաստ»

Անհանգիստ իրավիճակ է ՔՊ-ի ներսում․ «Փաստ»

«Փաստ» օրաթերթը գրում է. «Առիթ ունեցել ենք տեղեկացնել, որ երկրում ստեղծված բավական լարված և տուրբուլենտ շրջափուլով պայմանավորված, հատկապես Նիկոլ Փաշինյանի՝ Արցախն ու, այսպես կոչված, «անկլավներն» Ադրբեջանի մաս ճանաչելու՝ արդեն բացահայտ հայտարարությունից հետո անհանգիստ իրավիճակ է ՔՊ-ի ներսում, թեկուզ և հատկապես առանձին պատգամավորներ փորձում են ցույց տալ, որ համակարծիք են Փաշինյանի հետ ու նրա կողքին են «մինչև վերջ»։

Ինչպես փոխանցում է թերթի իշխանական աղբյուրը, այս օրերին մի շարք քպական պատգամավորներ և այլ «կարևոր» դեմքեր ներքին կարգով, անձնական շփումների ժամանակ փորձում են Նիկոլ Փաշինյանի քաղաքական կուրսից տարբերվող գիծ առաջ տանել և էականորեն զատվող հռետորաբանություն կիրառել՝ որոշակի շրջանակների ցույց տալու, թե իրենք կապ չունեն այս ամենի հետ։ Մյուս կողմից՝ կան տեղեկություններ, որ ՔՊ խմբակցության մի շարք պատգամավորներ ոչ միայն կոշտ ու հակադրվող դիսկուրսի մեջ չեն մտնում ընդդիմադիր պատգամավորների հետ, այլև առանձին հանդիպումներ են ունենում թե՛ վերջիններիս, թե՛ ընդդիմության այլ առանցքային ներկայացուցիչների հետ։

Թերթին հայտնի է դարձել, որ հանդիպումների ժամանակ քպականները, տարբեր օրինակներ և իրավիճակներ ներկայացնելով, ամեն կերպ փորձել են արդարացումներ գտնել և «սրբագրվել»։ Այլ կերպ ասած՝ ամեն ինչ անում են վերջնականապես կամուրջները չայրելու, հետագայի համար «հիմքեր» ապահովելու համար»:

Առավել մանրամասն՝ թերթի այսօրվա համարում

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ