ԱՄՆ նախագահ Դոնալդ Թրամփը հայտարարել է, որ Իրանի ներկայացուցիչները կապ են հաստատել Վաշինգտոնի հետ՝ հնարավոր համաձայնագիր քննարկելու նպատակով։
Թրամփի խոսքով՝ Թեհրանը շահագրգռված է համաձայնության հասնելու հարցում, սակայն նա կասկած է հայտնել, թե արդյոք արժե նման համաձայնություն կնքել, և արդյոք Իրանը կպահպանի դրա պայմանները։
«Նրանք շատ են ցանկանում համաձայնության հասնել։ Ոչ շատ վաղուց նրանք զանգահարել էին, նրանք ցանկանում են գործարք։ Ես պարզապես չգիտեմ՝ արդյոք նրանք արժանի՞ են նման գործարքի, և չգիտեմ՝ պատրաստվո՞ւմ են պահպանել դրա պայմանները», — լրագրողներին ասել է ԱՄՆ նախագահը ՆԱՏՕ-ի գագաթնաժողովից հետո ինքնաթիռի բորտում։
Նշենք, որ երեկ գիշեր ԱՄՆ-ն կրկին հարվածներ է հասցրել Իրանին:
