Այսօր Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի ծննդյան տարեդարձն է։
«Վիրահայոց թեմի հավատացյալների անունից որդիական սիրով ու խոնարհությամբ շնորհավորում ենք Նորին Սրբությանը ծննդյան 75-րդ տարեդարձի առթիվ։
Հայոց Հովվապետին մաղթում ենք արևշատ օրերով երկար տարիների կյանք, առողջություն, Աստծուն նվիրված հովվապետական ծառայության մեջ նորանոր բարձունքներ նվաճելու անկոտրում կամք, Հայ Առաքելական Սուրբ Եկեղեցու պատգամներով հոգևորն ու ազգայինը պահելու և պահպանելու մեծ նվիրում, Աստվածային իմաստությամբ քրիստոնյա հոտն առաջնորդելու դեպի հավիտենական կյանքի խաղաղ անսահմանություն՝ ի փառս Աստծո, ի բարօրություն մեր ժողովրդի և ի խաղաղություն ու զորացում մեր Հայրենիքի»։
