03 07 2020

Ինչպե՞ս Փաշինյանի թիմը վարկ վերցնելը սկսեց համարել բարոյական. «Հիշողության թարմացում»



Կորոնավիրուսի պատճառով ամբողջ աշխարհում շարունակում են վնասներ կրել ոչ միայն առողջապահական համակարգում, այլ նաև սոցիալական և տնտեսական: Հայաստանի տնտեսությունը նույնպես մեծ վնասներ է կրում համավարակի հետևանքով՝ պայմանավորված ներքին և արտաքին պատճառներով։ Եթե 2020 թվականի պետական բյուջեի հիմքում դրված էր 4,9 տոկոս տնտեսական աճ ունենալու կանխատեսում, ապա այժմ կառավարությունը կանխատեսում է 2020 թվականին իրական ՀՆԱ-ի շուրջ 2 տոկոսով նվազում և պետական բյուջեի պակասորդի աճ՝ մինչև ՀՆԱ 5%։

Ստեղծված իրավիճակում Կառավարությունը փորձում է քայլեր ձեռնարկել և չի կարող անմասն մնալ նոր միջազգային վարկերից, որոնք կրկին արտաքին պարտքը կմեծացնեն: Օրեր առաջ Ազգային ժողովը վավերացրեց Արժույթի միջազգային հիմնադրամից 248.2 մլն դոլար վարկ վերցնելու համաձայնագիրը: Վարկն ուղղված է տնտեսական հիմնարար և կառուցվածքային բարեփոխումների իրականացմանը:

Խորհրդարանական մեծամասնությունը վստահ է, որ այս նոր միջոցներն ուղղված են այս պայմաններում մարդկանց սոցիալական բեռը թեթևացնելուն:

Այսօր անդրադառնում ենք իշխանափոխությունից հետո վերցրած վարկերին, իշխանության ներկայացուցիչների պատճառաբանություննեին, թե դրանք որքանով են կարևոր Հայաստանի համար, և նախկինում՝ ընդդիմություն եղած ժամանակ նրանց դիրքորոշմանը՝ նոր վարկային համաձայնագրեր վավերացնելու վերաբերյալ:

Մանրամասն՝ «Հիշողության թարմացում» հաղորդման ա՛յս թողարկման մեջ։

Հաղորդումը կարող եք դիտել նաև 5-րդ ալիքի եթերում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ