Մայր Աթոռը նշում է Կաթողիկե սուրբ Էջմիածնի տոնը։ Քաղաքացիները Հայաստանի տարբեր մասերից ուխտագնացություն են անում դեպի Էջմիածին։ Տարբեր հատվածներում հայտարարվել են երթեր, որոնց ուղղությունը Էջմիածին է։

Մայր Տաճարում 11։00-ից մատուցվում է սուրբ պատարագ։

Սուրբ Պատարագի ավարտին Ամենայն Հայոց Հայրապետի հանդիսապետությամբ կկատարվի մաղթանք Մայր Աթոռ Սուրբ Էջմիածնի անսասանության և հավետ պայծառության համար։

Տոնի առիթով դուրս կբերվեն՝ Տիրոջ Կենաց Փայտի մասունքը, Աստվածամուխ Սուրբ Գեղարդը, Սուրբ Գրիգոր Լուսավորչի Աջը, Սուրբ Սահակ Պարթև Հայրապետի մասունքը, Սուրբ Գրիգոր Նարեկացու մասունքը, Հայոց Ցեղասպանության սուրբ նահատակների մասունքարանը, Սկևռայի մասանց պահարանը:

Արարողություններն առաջարկում ենք դիտել ուղիղ հեռարձակմամբ։