Ուկրաինայի ԶՈւ-ն Ենակիևոյի մերձակայքում դրոնով հարձակվել է «Մոսկվա – Սիմֆերոպոլ» երթուղային ավտոբուսի վրա, հայտնել է ԴԺՀ ղեկավար Դենիս Պուշիլինը։
Նախնական տվյալներով՝ զոհվել է 7 մարդ, ևս 11-ը վիրավորվել են։ Բոլոր տուժածներին ցուցաբերվում է անհրաժեշտ օգնություն։
ՌԴ Քննչական կոմիտեի պաշտոնական ներկայացուցիչ Սվետլանա Պետրենկոն հայտնել է, որ հարուցվել է քրեական գործ՝ ահաբեկչական գործողության հոդվածով։
Ռուսաստանի ՀՕՊ ուժերն էլ գիշերը հետ են մղել ուկրաինական դրոնների զանգվածային հարձակումը․ երկրի տարբեր շրջանների վրա խոցվել է 354 անօդաչու թռչող սարք, հայտնել է ՌԴ պաշտպանության նախարարությունը։
Տեղական իշխանությունների տվյալներով՝ ավելի քան 20 անօդաչու խոցվել է Մոսկվայի ուղղությամբ մոտենալու ընթացքում։
Եվս 50 դրոն խոցվել է Լենինգրադի մարզի տարածքում։
