Արցախից բռնագաղթած ընտանիքները Հայաստանում կանգնած են դրսում մնալու սպառնալիքի առջև, որովհետև կառավարությունը չի ցանկանում լուծել նրանց բնակարանային խնդիրները։ Այսօր՝ դեկտեմբերի 28-ին, կառավարության շենքի դիմաց կրկին բողոքի ակցիա էին իրականացնում Արցախից բռնագաղթած ընտանիքների ներկայացուցիչները և պահանջում, որպեսզի կառավարությունը լուծի իրենց բնակարանային խնդիրները։
«Ի՞նչ է վաղը մեզ հետ լինելու, մարդիկ հենա Նոր տարվան են պատրաստվում, բաժակաճառեր պետք է ասեն, թե հիմա ինչ պլաններ ունեն, որ քաղաքը կամ գյուղը պետք է հանձնեն թուրքերին, մենք էլ մտածում ենք, թե վաղը կարող է տան տերը գա ասի՝ տնից դուրս էկեք, վարձը չեք տվել։ Ի՞նչ ասեմ, լավ բան չկա, էդ կարող եմ միայն ավելացնել»,- լրագրողների հետ ճեպազրույցում ասաց բողոքի ակցիայի մասնակիցներից մեկը։
* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը