Ընդունում են ԶԼՄ-ների մասին օրենք, բայց լրատվամիջոցների տեսակետը չեն լսում․ Էլինար Վարդանյան

«Ընդունում են ԶԼՄ-ների մասին օրենք, բայց լրատվամիջոցների տեսակետը չեն լսում, ասում են՝ մենք օրենքը կընդունենք, դուք էլ խելոք աշխատեք այն կարգավորումներով, որոնք մենք նախատեսել ենք»,- այս մասին խորհրդարանում քննարկման ժամանակ ասաց «Հայաստան» խմբակցության պատգամավոր Էլինար Վարդանյանը ՝ անդրադառնալով ՔՊ-ական պատգամավորների նախաձեռնած՝ ԶԼՄ–ների մասին օրենքում փոփոխություններ կատարելու մասին նախագծին:

 Պատգամավորի դիտարկմամբ՝ նախագծով փորձ է արվում «անանուն աղբյուր հասկացությունը ծածկել».

«Չնույնականացվող աղբյուր հասկացության տակ ընդգրկվում է համացանցում գրանցված դոմեյնը, հոսթինգ ունեցող կայքը կամ համացանցային կայքի օգտահաշիվը, որի պարագայում անհրաժեշտ է նույնականացման տվյալներ, ընդհուպ՝ անուն ազգանուն, բնակության վայրը և այլն, եթե նույնականացման թվյալները բացակայում են կամ թերի են, ապա այս դեպքում այն չնույնականացվող աղբյուրն է համարվելու, և լրատվամիջոցը, որը հղում կանի չնույնականացվող աղբյուրին, որևէ կերպ չի ազատվելու պատասխանատվությունից»,-ասաց Էլինար Վարդանյանը:

Պատգամավորի խոսքով՝ նախագծով նախատեսվում են նաև լրատվամիջոցների հավատարմագրման կարգի հետ կապված մի շարք փոփոխություններ։

Թեման մանրամասնում է տեսանյութը։