Սահմանների որոշման գործընթացն ընթանում է մարդու իրավունքների խախտումներով․ Թաթոյան

«Սահմանների որոշման գործընթացն ընթանում է մարդու իրավունքների խախտումներով»,- այսօր ԱԺ-ում լրագրողների հետ զրույցում ասաց ՀՀ մարդու իրավունքների պաշտպան Արման Թաթոյանը, որը գնացել էր Սյունիքի մարզ ու մի շարք խախտումներ արձանագրել:

Նա նշեց, չի կարող այսքան արագ այդ գործընթացն ընթանալ․ «Կան միջազգային կոնկրետ պահանջներ: Ճիշտ է, մենք այստեղ չունենք դելիմիտացիոն, դեմարկացիոն գործընթաց, որպես այդպիսին՝ միջազգային դասական իմաստով, դա նաև հայտարարել է մեր ԱԳՆ-ն, բայց մեզ անհրաժեշտ են հանձնաժողովներ, մասնագիտական հետազոտություններ, տեղում աշխատելու համար իրավական պատշաճ հիմքեր: Մենք չենք կարող մեխանիկական մոտեցումներով դնել մեր սահմանները որոշել: Սա ուղիղ առնչվում է մարդու իրավունքների հետ: Մեր սահմանային բնակավայրերի բնակիչների՝ թե՛ Սյունիքի մարզում, թե՛ Գեղարքունիքի, կոնկրետ առնչություն ունի: Խոսքը վերաբերում է կյանքի իրավունքին, ֆիզիկական, հոգեկան անձեռնմխելիության, սեփականության և մյուս իրավունքներին, որոնք երաշխավորված են ՀՀ Սահմանադրությամբ»:

Մանրամասն՝ տեսանյութում։