27 09 2020

Կոչ ենք անում «Ազատություն» ռադիոկայանին զերծ մնալ ադրբեջանական քարոզչական թեզերի տարածումից. «Մեդիա պաշտպան»  

Կոչ ենք անում «Ազատություն» ռադիոկայանին զերծ մնալ ադրբեջանական քարոզչական թեզերի տարածումից. «Մեդիա պաշտպան»   

 

«Մեդիա պաշտպան» նախաձեռնությունը գրում է.

«Կոչ ենք անում «Ազատություն» ռադիոկայանի հայաստանյան ծառայությանը պատերազմական իրավիճակում գործել պաշտոնական տեղեկատվական դաշտում և զերծ մնալ ադրբեջանական քարոզչական թեզերի տարածումից

Վաղ առավոտից Ադրբեջանը լայնածավալ պատերազմական գործողություններ է սկսել Արցախի Հանրապետության դեմ։ Հայկական լրատվամիջոցները փորձում են ադրբեջանական ագրեսիայի մասին թե Հայաստանի և Արցախի բնակչությանը, և թե միջազգային հանրությանը օպերատիվ և համապարփակ տեղեկատվություն տրամադրել: Մինչդեռ «Ազատություն» ռադիոկայանի հայաստանյան մասնաճյուղը թշնամական քարոզչական թեզեր է շրջանառում` «Հայաստանն ասում է, որ Ադրբեջանը հարձակում է գործել Ղարաբաղի դեմ» բառակապակցությամբ կասկածի տակ դնելով ՀՀ ՊՆ և ԱԳՆ, Արցախի ՊԲ պաշտոնական հայտարությունները:

«Մեդիա պաշտպան» նախաձեռնությունն անընդունելի է համարում պատերազմական իրավիճակում գտնվող Հայաստանի տարածքում գործող լրատվամիջոցի նման ոչ միանշանակ գործելաոճը։ «Մեդիա պաշտպանը» կոչ է անում «Ազատություն» ռադիոկայանին մնալ պաշտոնական տեղեկատական քաղաքականության դաշտում և զերծ մնալ հայկական մեդիադաշտում ադրբեջանական քարոզչական թեզերի շրջանառման գործելաոճից»:

 

 

 

 

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ