Ուշադրություն․ սպասվում է բարձր կարգի հրդեհավտանգ իրավիճակ

Առաջիկա 5 օրերին հովտային և նախալեռնային շրջաններում սպասվում է բարձր կարգի հրդեհավտանգ իրավիճակ:

Հանրապետության տարածքում հուլիսի 17-19-ը հյուսիսային առանձին վայրերում սպասվում է կարճատև անձրև և ամպրոպ, առանձին վայրերում հնարավոր է նաև կարկուտ։ Հուլիսի 20-21-ը սպասվում է առանց տեղումների եղանակ:  Քամին՝ հարավ-արևմտյան` 3-8 մ/վ, ամպրոպի ժամանակ հնարավոր է քամու ուժգնացում` 20-25 մ/վ:  Օդի ջերմաստիճանը 18-19-ն աստիճանաբար կբարձրանա 2-3 աստիճանով։

Երևան քաղաքում հուլիսի 17-21-ը սպասվում է առանց տեղումների եղանակ:

Երևան քաղաքի հուլիսի 17-ի բազմամյա կլիմայական տվյալներ.

• Օդի առավելագույն ջերմաստիճան` 40.10C (2000 թ.)
• Օդի նվազագույն ջերմաստիճան`  14.20C (2007 թ.)
• Օդի միջին օրական ջերմաստիճան` 26.60C

Գետերում բնական էական փոփոխություններ չեն դիտվել: