«Ոռոգման ջրի խնդրի հետ կապված ճանապարհներ փակելը ավելի շուտ կառավարման խնդիր է, քան ջրաքանակի կամ ինչ-որ բացթողնումների տեխնիկական: Մենք որոշ ՋՕ ընկերություններում գործընթաց ենք սկսկել և որոշ ղեկավարներ նախկինից մնացած իրենք են հրաժարվել իրենց դիմումի համաձայն, ընտվել են նոր մարդիկ: Կան խոչընդոտներ որոնք հին ու նորի պայքար են, մենք փորձում ենք մեղմել այդ դիմադրությունը: Ունեցել ենք դեպքեր, ես էլ եմ անձամբ գնացել, փողոց եմ փակել զրուցել եմ, ընդհանուր համագործակցության եզրեր ենք գտել»,- լրագրողների հետ զրույցում ի պատասխան Yerevan.today-ի հարցին, թե ինչո՞ւ են մարդիկ մասնավորապես Արմավիր, Կոտայքի , Արագածոտնի մարզի բնակիչները ոռոգման ջրի խնդրից բողոքում, երբ վարչապետը հայտարարում էր, որ ոռոգման սեզոնը սկսվել է լավ տրամադրությամբ և ջրամբարները լիքն են, ասաց Ջրային կոմիտեի նախագահ Վարդան Մելքոնյանը:
Նա նշեց, որ հարց է դրված շարունակել ոլորտը կառավարել ՋՕ ընկերությունները, թե անցնել մեկ այլ կառավարման մոդելի. «Մենք ունենք հանձնարարական զբաղվում ենք այդ հարցով, կլինեն տարբերակներ: Այս մոդելով այդքան էլ լավ չի ստացվում մեր մոտ, պետք է գտնել արդյունավետ տարբերակ ոլորտը կառավարելու համար»,- ասաց Մելքոնյանը:
Ջրային կոմիտեի նախագահն ասաց, որ ի սկզբանե գիտեր, որ ոռոգման հետ կապված խնդիրներ կան, սակայն մեկ կամ երկու քայլով խնդիրը շտկել չէր լինի և նախատեսվում է խնդիրը կարգավորել ոռոգման սեզոնի ավարտին:
Մանրամասն՝ տեսանյութում
* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը