«Ադրբեջանը պահանջ է դրել ամբողջական ապառազմականացման , այսինքն՝ Ադբեջանը խնդիր ունի ստանալու Արցախը ՝ առանց դիմադրության, առանց դիմակայության ռեսուրս ունենալու, իսկ Հայաստանը գնում է այդ ճանապարհով։ Ըստ էության, հրապարակային գործարք է առաջարկվում Ադրբեջանին» ,-այս մասին ասաց Տիգրան Աբրահամյանը՝ հրավիրված ասուլիսի ժաանակ։
«ՀՀ արտգործնախարարությունն է նույնիսկ իր հայտարարությամբ հաստատում, որ ադրբեջանցիներն այդ երթուղու փոփոխությամբ փորձում են հասնել ռեժիմի փոփոխության։ Ի՞նչ է ենթադրում դա․ այս պահին Լաչինի միջանցքն ունի կոնկրետ տարածություն, դա՝ ճանապարհի աջ ու ձախ հատվածի 2․5 կմ-անոց հատվածն է ։ Այսինքն միջանցք ասվածը 5 կմ լայնությամբ գոտի է, որտեղ նաև տեղակայված է ճանապարհը , որը նախատեսված է եղել անվտանգության նկատառումներից ելնելով։ Ադրբեջանն այս փուլում պահանջում է խնդիրը լուծել այլ ճանապարհով, ասում է նոր երթուղի է, ճանապարհ է , այլևս միջանցք չէ․ այսինքն, եթե թույլատրվի իրագործել նրանց այդ պահանջը կստացվի, որ ճանապարհից, պայմանականորեն, 5-10 մետր հեռավորության վրա կարող է լինել ադրբեջանական անձնակազմ»,-ասում է բանախոսը։
Նրա խոսքով Ադրբեջանը փորձում է սպառնալիքով հող նախապատրաստել «Զանգեզուրի միջանցքի» կյանքի կոչման համար։
Մանրամասն՝ տեսանյութում
* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը