19 05 2022

Հայկական կողմը որևէ հանդիպում չի չեղարկել ու չի մերժել․ ԱԳՆ պատասխանը Ալիևին

Հայկական կողմը որևէ հանդիպում չի չեղարկել ու չի մերժել․ ԱԳՆ պատասխանը Ալիևին

Հայկական կողմը շարունակում է հավատարիմ մնալ ձեռք բերված պայմանավորվածությունների կյանքի կոչմանը: Այս մասին հայտարարություն է տարածել ՀՀ արտգործնախարարության մամուլի խոսնակ Վահան Հունանյանը։

«Ըստ այդմ, հայկական կողմը որևէ հանդիպում չի չեղարկել և չի մերժել: Երկու երկրների ղեկավարների՝ Սոչիում և Բրյուսելում ձեռք բերված պայմանավորվածությունների շրջանակներում հայկական կողմը շարունակում է պատրաստակամ լինել հանձնաժողովների աշխատանքների մեկնարկը տալու համար»,-գրել է նա։

Հիշեցնենք, որ Ադրբեջանի նախագահ Իլհամ Ալիևը հայտարարել էր, թե Երևանը երկու անգամ չեղարկել է համաձայնեցված հանդիպումները սահմանազատման ու սահմանի անվտանգության հարցով։ Պաշտոնական Երևանի այդ քայլը Ալիևն անպատասխանատու էր որակել։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ