Երեւանի ընդհանուր իրավասության դատարանը մերժել է ՃՈ ուղեկցող սպայական վաշտի հրամանատար Արամ Նավասարդյանին կալանավորելու վերաբերյալ Երեւան քաղաքի գլխավոր դատախազի միջնորդությունը:
Հիշեցնենք, որ ապրիլի 26-ին Պարոնյան-Լեո փողոցների խաչմերուկում Սոնա Մնացականյանին վրաերթի էր ենթարկել ՃՈ ուղեկցող սպայական վաշտի հրամանատար Արամ Նավասարդյանը։ Սոնա Մնացականյանը վրաերթի էր ենթարկվել վարչապետ Նիկոլ Փաշինյանի ավտոշարասյան՝ Պարոնյան-Լեո փողոցների խաչմերուկով անցնելու ժամանակ։
Նշենք, որ վարույթն իրականացնող քննիչը որոշում է կայացրել ուղեկցող ՃՈ ավտոմեքենայի վարորդին ՀՀ ՔՕ 242-րդ հոդվածի 2-րդ մասով (ճանապարհային երթեւեկության անվտանգության ապահովմանն ուղղված պահանջները կամ ճանապարհային երթեւեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահը) եւ 244-րդ հոդվածով (ճանապարհատրանսպորտային պատահարի վայրը թողնելը) որպես մեղադրյալ ներգրավելու մասին։
* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը