Քաղաքապետարանում չէին պատկերացնում, որ ողջ դպրոցն իմ կողքին է լինելու, բայց սա անձի հարց չէ․ Տաթևիկ Մելքոնյան

Չեխովի դպրոցի աշակերտները, ինչպես արդեն տեղեկացրել ենք, քայլերթով շարժվում են դեպի քաղաքապետարան՝ իրենց բողոքը հայտնելու դպրոցի տնօրենի նշանակումից։

Նշենք, որ քաղաքապետարանը դպրոցի տնօրենի ԺՊ է նշանակել Դիանա Մինասյանին, որը տնօրենի ընտրությունների առաջին փուլում ստացել է զրո ձայն։ Ըստ տեղեկությունների, Դիանա Մինասյանը Երևանի քաղաքապետի ՔՊ-ի թեկնածու Տիգրան Ավինյանի դասընկերոջ կինն է։

Yerevan.Today-ի հետ զրույցում Չեխովի դպրոցի ուսմասվար Տաթևիկ Մելքոնյանը, որը տնօրենի պարտականություններն էր կատարում նախքան քաղաքապետարանի նշանակումը, նշեց, որ քայլերթին երեխաների կողքին է, քանի որ կրում է պատասխանատվություն երեխաների ճակատագրի համար։

«էս երեխեքը երկու ամսից ունեն ավարատական քննություններ, ո՞վ է այս ամենի պատասխանատուն, որ դասարանում չեն երեխաները։ Քաղաքապետարանում չէին պատկերացնում, որ ողջ դպրոցն իմ կողքին է լինել, բայց սա պետք չէ անձնավորել, այս տարիների ընթացքում ես հասկացա, որ սա համայնք է, ոչ թե ուղղակի դպրոց»։

Մանրամասն՝ տեսանյութում։