Ադրբեջանը ձեզ առաջարկություններ է ներկայացրել և մենք Ադրբեջանից ենք իմանում այդ մասին․ պատգամավորը՝ իշխանական ուժին

 Ընդդիմադիր «Հայաստան» խմբակցությունն առաջարկում է՝  ՀՀ տարածքային ամբողջականության դեմ ուղղված հրապարակային արտահայտությունների համար  տուգանքի տեսքով պատիժ սահմանել  և ամրագրել օրենքով։  Խորհրդարանական մեծամասնությունն առարկում է ներկայացված առաջարկությունը՝ նշելով, թե այն մեծ հաշվով է ներքին սպառման համար է։ Ընդդիմադիր պատգամավոր Ագնեսա Խամոյանը պետաիրավական հանձնաժողովում կազմակերպված քննարկման ժամանակ վերահաստատեց Արամ  Վարդևանյանի խոսքը, ըստ որի՝  նախագիծն ուղղված է արտաքին աշխարհին՝ Ալիևին, թշնամական երկրին  և հույս է հայտնում  ներքին սպառում  այն  չի ունենալու ։

 « Պարո՛ն Հովակիմյան Ինձ համար անհասկանալի է Ձեր փաստաբանությունն Ալիևի համար ։ Պարզ հայ մարդը չի կարողանում  հասկանալ, թե իշխանական պատգամավորները  նախագծի ինչի՞ն են դեմ․  Քի Վեսթի տարբերակով,  հարգելի պատգամավոր, որ հիմա բացակայում ես , Արցախը դառնում էր Հայաստանի մաս՝  Շուշիով և Հադրութով , մենք հազարավոր զոհեր չէինք ունենում , ՀՀ տարածքները  օկուպացված չէին դառնում ։ Ադրբեջանը ձեզ առաջարկություններ է ներկայացրել և մենք Ադրբեջանից ենք իմանում այդ 5 կետերի բովանդակության մասին»,-ասաց Ագնեսա Խամոյնաը։

 Մանրմասն՝ տեսանյութում։