Նման բան եղե՞լ է, երբ մարդիկ պայքարեն իրենց գերիների համար, որ բերեն էստեղ բանտերում նստեցնեն․ Սամսոնյան

Եվրոպան ոնց մոռացել է ժողովրդավարությունը, մարդու իրավունքներն ինչ են, այդպես էլ մոռացել է ռազմական հանցագործությունների մասին խոսելը, տարատեսակ չթույլատրված ռումբերի օգտագործման մասին  խոսելը և այլն․․․ Կարեն Դեմիրճյանի անվան մարզահամերգային համալիրի մոտ բողոքի ակցիայի ժամանակ ասաց Քաղաքացիական գիտակցություն ՀԿ նախագահ Նարեկ Սամսոնյանը։

«Ալիևը բանտարկում է հայ ռազմագերիներին Բաքվի բանտերում, նրանք գալիս են Հայաստան բանտարկվում են հայկական բանտերում։ Գերիները գալիս են և այստեղ նստում են, ես չգիտեմ երբևէ նման բան եղել է, երբ մարդիկ պայքարեն իրենց գերիների համար, որ բերեն էստեղ նստացնեն»,-ասաց Սամսոնյանը։ 

Հիշեցնենք, որ Կարեն Դեմիրճյանի անվան մարզահամերգային համալիրում ընթանում է Եվրանեսթ խորհրդարանական վեհաժողովի նիստը, ներկա են նաև ադրբեջանցի պատգամավորներ։  Դրսում հավաքված են հասարակական, քաղաքական, մշակությաին գորչծիչներ, քաղաքացիներ՝ իրենց բողոքն արտահայտելով ադրբեջանցի պատգամավորների՝ Հայաստանում գտնվելու փաստից։