23 12 2021

Իշխանությունը Աշոտ Մինասյանին կալանավորելով՝ վերջին շունչն է փչում․ Գրիգոր Գրիգորյան



Աշոտ Մինասյանի նման հայրենասեր մարդը չէր կարող մի բան անել, որը կվնասեր իր ժողովրդին կամ իր հայրենիքին, ուղղակի այս կառավարությունը նրան կալանավորելով վերջին շունչն է փչում և փորձում է անօրինական ճանապարհով իր իշխանությունը երկարաձգել։ Այս մասին Yerevan.Today-ի հետ հարցազրույցի ժամանկ ասաց Արցախյան պատերազմի վետերանների միության նախագահ, պահեստազորի գնդապետ Գրիգոր Գրիգորյանը։

«Աշոտ Մինասյանի դեմ հարուցված քրգործը նոր չէ, մեկ տարվա պատմություն ունի և մեկ տարի ազատության մեջ լինելով երբևէ չի փորձել խոչընդոտել կամ բարեխոսել կամ ինչ-որ գործընթաց կազմակերպել իր հետ կապված, որովհետև մենք բոլորս  էլ վստահ ենք, որ մաքուր ու հայրենասեր մարդ է։ Ուղղակի այս կառավարությանը դեմ է խոսել և դրա համար էլ կալանավորված է։ Փրփրուներիներից են կախվել, որ իշխանություն երկարաձգեն, բայց ինչքան էլ երկարաձգենք իրենց ժամանակը շատ կարճ է իրենք չեն կարողանալու կոտրել Աշոտ Մինասյանի նման մարդկանց և այն հայրենասերներին, որոնք ցանկացած պարագայում պատրաստ են պաշտպանել հայրենիքը»,- ասաց պահեստազորի գնդապետը։

Հարցազրույցը՝ տեսանյութում։

 

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ