07 12 2021

Ալիևի հայտարարությունից ակնհայտ է, որ գաղտնի բանավոր պայմանավորվածություններ կան․ Սեյրան Օհանյան



Հայաստանի իշխանություններն ադրբեջանական հարկադրանքի ու ճնշման տակ են։ Այս մասին Ազգային ժողովում լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանը։

«Տեսեք՝ ինչպես է նա խոսում․ թող ասեն՝ որ օրն են այդ միջանցքը բացելու։ Ես երկար ուսումնասիրել եմ, որ այդ ապաշրջափակման անվան տակ երկու հանգամանքի վրա պետք է ուշադրություն դարձնել․ առաջինը թուրք-ադրբեջանական կողմից Հայաստանի իշխանությանը խաբելն է, երկրորդը՝ այդ ապաշրջափակումը մեզ համար լինելու է խորը շրջափակում, որովհետև միջանցքի անուն տալը նշանակում է, որ ոչ թե մեկ, այլ մի քանի ճանապարհ պետք է լինի այդ հատվածում։ Ապաշրջափակման անվան տակ մենք հայտնվելու ենք խորը շրջափակման մեջ՝ տնտեսական ճնշմամբ և Սյունիքի հատվածում մեր ժողովրդագրական դիմանկարի փոփոխությամբ։ Խնդիրը մեկն է և կայանում է նրանում, որ Ալիևն ինչ ուզում, այն էլ այսօր պարտադրում է»,-շեշտեց Օհանյանը։

Մանրամասն՝ տեսանյութում։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ