Բոլորը վախենում են, որ հանկարծ մի բան էլ չզիջի․ Գեղամ Մանուկյանը՝ Փաշինյանի՝ ՌԴ այցի մասին

«Միակ բանը  կարող ենք արձանագրել այն է, որ Փաշինյանը  պաշտոնապես ամրագրեց իր հայրանունը ինչպես պետք է Ռուսաստանում  արտաբերվի»,-նշեց «Հայաստան» խմբակցության պատգամավոր Գեղամ  Մանուկյանը՝  պատասխանելով հարցին, թե ի՞նչ կարելի է ակնկալել Փաշինյանի հերթական այցից ՌԴ , այն դեպքում, երբ յուրաքանչյուր նմանանատիպ  այցից և հանդիպումից  հասարակությունն առանձնապես ոգևորված չէ ՝   վախենալով, որ երկրի վարչապետը հնարավոր է գնա հերթական  զիջումների։  

« Վաղ է ասել, թե ինչ խոսվեց  և սա իրականում ողբերգություն է , որովհետև Պուտինի հետ առաջին անգամ հանդիպմանը,  ուղիղ եթեր մտնելով , ինքնաթիռում ուղիղ եթերում պատմելով թե  ինչ քննարկեցին,   3 տարի  հետո հանրությանն ուղղակի որևէ բան չի տեղեկացվում։  Սա խոսում  է այս իշխանության ՝ այդ 3 տարվա ընթացքում փլուզման, նահանջի մասին։ Մարդկանց իրական վախը  պայմանավորված է հենց  նրանով, որ Փաշինյանից ակնկալիք չկա՝  որևէ դրական առաջընթաց արձանագրելու, բոլորը վախենում են, որ  հանկարծ մի բան էլ  չզիջի։   Իրենց քաղաքականության հետևանքով է , որ հանրությունն այդպիսի ընկալում  ունի , քաղաքական շրջանակներն այդպիսի ընկալում ունեն վարչապետի աթոռը զբաղեցնող  անձից»,-ասաց Գեղամ Մանուկյանը ։

Թեման մանրամասնում է տեսանյութը։