Փաշինյանի և Քոչարյանի ցուցակների 33-րդ համարները

Ռոբերտ Քոչարյանի և Նիկոլ Փաշինյանի գլխավորած ընտրական ցուցակների համեմատական ուսումնասիրումը շատ դեպքերում անչափ հետաքրքիր զուգահեռներ է բացահայտում։

Վերցնենք, օրինակ, ցուցակների 33-րդ համարները։ Քոչարյանի գլխավորած ցուցակում այդ հորիզոնականում Ազգային Հերոս Թաթուլ Կրպեյանի դուստրն է՝ Ասպրամը, իսկ Փաշինյանի ցուցակում Հայաստանի միակ կին քաղաքապետ Դիանա Գասպարյանը։

Ասպրամը և Դիանան գրեթե հասակակիցներ են, մեկ տարվա տարբերությամբ ավարտել են ԵՊՀ իրավաբանական ֆակուլտետը։

Մնացած բոլոր հարցերում Ասպրամը և Դիանան տարբեր են. Ասպրամն արմատներով Սասունցի է, իսկ Դիանան՝ Արցախցի: Ասպրամը ողջ կյանքում պայքարել է իր հոր անունը բարձր պահելու համար, իսկ Դիանան կանգնած է եղել իր հարգարժան մորաքրոջը՝ ՍԴ դատավոր Ալվինա Գյուլումյանին հալածողների կողքին։ Ասպրամը հիմա էլ պայքարում է իր Հայրենիքի խոցված արժանապատվությունը վերականգնելու համար, իսկ Դիանան առանցքային տեղ է զբաղեցնում ազգակործան կապիտուլյանտի թիմում։

Ասպրամը հերոսական ավանդույթի արժանի շարունակողն է, իսկ Դիանան՝ խորը և համապարփակ դավաճանության մարմնավորում։