Անգամ թշնամին է անպատասխան ասել, որ Փաշինյանը ոչինչ է․ իրոք նա միջազգային շրջանակում ոչ ոք է․ Արա Հակոբյան

«Նիկոլ Փաշինյանը շարունակում է պաշտպանել օտար երկրի շահը, նա իր մնալով ամեն օր գործում է ի վնաս մեր պետության: Նիկոլ Փաշինյանը ունի հստակ օրակարգ և հետևողականորեն իրականացնում է այն»:

Այս մասին մեզ հետ զրույցում ասաց «Ազգային օրակարգ» կուսակցության խորհրդի նախագահ Արա Հակոբյանը: Նրա խոսքով՝ հանրային զանգվածային ակցիաները հիմա բացակայում են, քանի որ հանրության մեծ մասը սգի մեջ է, չի կարողանում համակերպվել իրականության և կատարվածի հետ, բայց մենք չպետք է համակերպվենք սգի հետ և այն դարձնենք հավերժական, պետք է մասնակից լինել ցանկացած բողոքի ակցիայի: