13 12 2020

Նիկոլ Փաշինյանը հրատապ ԱԽ նիստ է հրավիրել

Նիկոլ Փաշինյանը հրատապ ԱԽ նիստ է հրավիրել

Երեկ կեսգիշերից ժամ առաջ հայտարարված տագնապից, Կառավարական շենքի շուրջ զորքերի կուտակումից ու կառավարության ներսում տեղի ունեցած ինչ-որ անհասկանալի պրոցեսներից հետո վարչապետ Փաշինյանի մոտ հախուռն տրամադրությունները փաստորեն պահպանվել են մինչև հիմա։

Քիչ առաջ Yerevan.Today-ին հայտնի դարձավ, որ այսօր վարչապետ Նիկոլ Փաշինյանը հրատապ Անվտանգության խորհրդի նիստ է հրավիրել՝ ժամը 16։00-ին։ Երեկ երեկոյան լուրեր տարածվեցին, որ Նիկոլ Փաշինյանը հարբած է և Արցախում թշնամու կողմից գյուղեր գրավելուց հետո անգամ ի վիճակի չէ ԱԽ նիստ ու ադեկվատ քննարկում անել։ Սակայն անվտանգության օրակարգային հարցերը մնում են։ Նիստի օրակարգի մասին իշխանական աղբյուրը ոչինչ չասաց, սակայն հաշվի առնելով վեիջին երկու օրերին սահմանային լարվածությունը, կրակի դադարեցման ակտից հետո երեկ Հադրութի շրջանում թշնամու կողմից ևս երկու գյուղի զավթման ծանր միջադեպը, ենթադրվում է, որ այսօրվա ԱԽ օրակարգում բացառապես անվտանգության հարցն է, թեև չի բացառվում, որ իշխանությունն անցնում փոխանցելու հարցը քննարկվի։

Նշենք, որ ԱԽ նիստին հարվիրված են նաև ԱԺ խորհրդարանական բոլոր ուժերի խմբակցության ղեկավարները։ Ի դեպ, երեկ Մոսկվա է մեկնել ՀՀ պաշտպանության նախարար Վաղարշակ Հարությունյանը։ Այսօր առավոտյան ռուսական մամուլից հայտնի դարձավ, որ հրատապ Մոսկվա է կանչվել նաև Արցախում խաղաղապահ զորքերի հրամանատար Ռուստամ Մուրադովը։

Սյուզի Բադոյան

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ