25 11 2020

Դու պիտի խելագարվեիր՝ տեսնելով Արցախի փակված դարպասները, իսկ դու կառչել ես աթոռիդ. Լիլիթ Գալստյան

Դավաճանի մեկ ստորագրությամբ թաղեցիր մեր դարերի երազանքն ու անհայտ ժամանակով կոտրեցիր մեր արժանապատվությունը: Այս մասին ֆեյսբուքյան իր էջում գրառում է արել Հայ Յեղափոխական Դաշնակցություն կուսակցության ԳՄ անդամ Լիլիթ Գալստյանը։

«Նայում եմ Արցախի փակված դարպասներին ու հասկանում, որ խելագարվելու եզրին եմ: Կորցրածներս սոսկ 121 գյուղերը չեն, հազարավոր տղաների արդեն ուրիշի հողում թափած արյունն է, էլ տուն չվերադարձող նրանց մարմինն ու հոգին, մեր անտեր մնացած սարերն ու ձորերը, ծխացող Քարվաճառը, վիրավոր ու որբացած Ղազանչեցոցն ու Դադիվանքը, Հայաստանից Արցախ վերադարձած ու Ստեփանակերտի փողոցում անտեր մնացած ու սարսափն աչքերին անտղամարդ ընտանիքը, տիրոջ ձեռքին կարոտող նռան կոտորված այգիներն ու Արցախի կառավարության շենքը, որի անտեր տանիքին էլ չի ծածանվում Արցախի Հանրապետության դրոշը: Մեր ցավն ու կորուստն հաշվելու չի...անգամ գրելու չի...

Դավաճանի մեկ ստորագրությամբ թաղեցիր մեր դարերի երազանքն ու անհայտ ժամանակով կոտրեցիր մեր արժանապատվությունը:

Ու դավաճանն իր տեքստերում Արցախի կողքին էլ Հանրապետություն բառը չի հնչեցնում:

Նա իր գործն արել է: Թվում էր, թե այս դանթեականից հետո նվազագույնը պիտի հեռանար, դիմեր բոլոր դավաճանների վերջին հանգրվանին…

Բայց՝ ոչ: Բոլորին սեր ու թավիշ խոստացած նիկոլը, կաթվածահար անելով ու փակելով բոլոր փողոցները,տասնյակ մեքենաների ուղեկցությամբ, դատարկ ու ողբից փոքրացած քաղաքի կենտրոնով տուն է սլանում:

նիկոլ, փախուստ չունես, միևնույն է՝ ողջ կյանքում ականջներումդ զնգալու է դա-վա-ճան ճիչն ու խղճիդ ծանրացած է մնալու համազգային նզովքը. դու ոչ միայն Արցախի դռները փակեցիր ու հազարների ճրագը, այլև մեր երազելու թևերը կոտրեցիր…

Դու պիտի խելագարվեիր՝ տեսնելով Արցախի փակված դարպասները, իսկ դու կառչել ես աթոռիդ…»:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Լիլիթ Գալստյան | ՀՅԴ ԳՄ անդամ | Նիկոլ Փաշինյան | հողերի հանձնում | Արցախ

Դիտել նաև

Հասարակություն 19 04 2024

ՌԴ զորախումբը Արցախից տարածքից դուրսբերումն անընդունելի է. Արցախի ԱԺ խմբակցություններ

Արցախում միջազգային ներկայության բացակայությունը լրացուցիչ ազատություն է տալու «ամեն հայկականի» ոչնչացման

Սկզբունքայնություն՝ ըստ ՔՊ-ի 19 04 2024

3 ելույթ «նախկին» Փաշինյանից՝ բռնությունն արմատախիլ անելու մասին

Փաշինյան-2019․ «Նրանք, ովքեր բռնությունը դիտարկում են որպես ներհայկական որևէ հարցի լուծման միջոց, պետք է մերժվեն հայ ժողովրդի պատմության աղբանոցը նետվեն»

Մամուլի տեսություն 19 04 2024

Փորձում են այնպես անել, որ հայերը մոռանան Արցախի կորստի մասին՝ ջնջելով «Արցախ» անունը ժողովրդի հիշողությունից․ «Հրապարակ»

ՀՀ իշխանությունները արհամարհում են Արցախի կառավարությանը և հրաժարվում են հանդիպել նրանց հետ

Հասարակություն 18 04 2024

Ինչու ռուսական զորքը լքեց Արցախը․ վերլուծական

Ալիևն ու Փաշինյանը վերջակետ դրեցին հակահայկական արարի 1-ին փուլին

Մշակույթ 18 04 2024

Արցախում գտնվող ամբողջ մշակութային ժառանգությունը գտնվում է ոչնչացման և յուրացման վտանգի տակ

Ամբողջ աշխարհում արժևորում են հուշարձանների նշանակությունն կազմակերպելով տարբեր միջոցառումներ․ Այս ամենին զուգահեռ բռնազավթված Արցախում Ադրբեջանի պետական վարչակարգը ամբողջ աշխարհի աչքի առջև ոչնչացնում է մոլորակի մշակութային ժառանգության մաս հանդիսացող քաղաքակրթական արժեքները

Քաղաքական 17 04 2024

Դավաճանական լակոտակրատիա, խուլիգանապետություն, տգետների հավաքածու․ Լիլիթ Գալստյան

Անձամբ եմ ներկա եղել ոստիկանության բաժանմունքում քաղաքացու խոշտանգմանը, ոչ մի հետևանք․ Պատգամավոր