13 07 2020

Փաշինյանը թելում է ադրբեջանական պրոպագանդայի թելն ու վախկոտի նման թաքնվում կնոջ փեշի տակ․ Հակոբյան

Փաշինյանը թելում է ադրբեջանական պրոպագանդայի թելն ու վախկոտի նման թաքնվում կնոջ փեշի տակ․ Հակոբյան

Հասարակական-քաղաքական գործիչ Միհրան Հակոբյանը ֆեյսբուքյան իր էջում գրառում է արել՝ անդրադառնալով Տավուշի ուղղությամբ ադրբեջանական բանակի գործողություններին ու ՀՀ վարչապետ Նիկոլ Փաշինյանի քայլերին։

Գրառումն ամբողջությամբ ներկայացնում ենք ստորև․

«Ադրբեջանը հայոց փառապանծ բանակի հարվածների ներքո ծանր կորուստներ ունի սահմանին, ադրբեջանական քաղաքներում հուզումներ են, պահանջում են լայնամասշտաբ պատերազմ սկսել, արտասահմանում Ադրբեջանի դեսպանները պատերազմի «դաբրո» պոկելու հարցերով են զբաղված: Մեր մոտ ազգը շունչը պահած լուրերի է սպասում սահմանից, բանակում ծառայողների ընտանիքները տագնապած սպասում են իրադարձությունների զարգացմանը, իսկ Նիկոլ Փաշինյանը հրապարակայնորեն ադրբեջանական «մոլորված Ուազի» հեքիաթից է խոսում և այս լարված վիճակում մանկահասակ երեխայի պարն է դաշտ գցում, հետո էլ տիկնոջ զզվանքի հասնող հագուկապով ֆոտոն ու խաղաղություն մուրալու տեքստերը:

Գիտե՞ք ինչու է ադրբեջանական պրոպագանդայի թելը թելում և ամենավերջին վախկոտի նման թաքնվում ընտանիքի թիկունքում: Որովհետև ադրբեջանական լկտիությանը մեր փառապանծ բանակը կրակով է պատասխանել, ինչը հանգեցրել է ադրբեջանցիների շրջանում կորուստների: Հիմա Նիկոլի «կիրթ ու կառուցողական» քիրվան նեղն է ընկել, նրանից պահանջում են պատժել հայերին ու սա դեմքը փրկելու համար կարող է արկածախնդրության գնալ: Հասկանում եք չէ՞՝ Արցախը փուլային տարբերակով հանձնելու գործընթացը «վտանգված է»: Այն փուլայինը, որ Նիկոլն իր «կիրթ ու կառուցողական» քիրվայի հետ գողեգող բանակցել է, ինչի մասին հայ ժողովուրդն իմացել է Մինսկի խմբի համանախագահներից: Այն փուլայինը, որի իրականացման համար արտասահմանյան գործակալական ցանցն ու դրսերում դրանց տերերը աչք են փակել փաշինյանական ռեժիմի իրավաքաղաքական վակխանալիայի վրա: Ու հենց դրա համար է Նիկոլի «դուխը» միայն հերիքում ուշադրություն շեղելու համար ընգծված բռիությամբ ձերբակալել տալ իր տերերի՝ երկիրը պղծող արտատահմանյան գործակալական ցանցի դեմ բողոքի ակցիա իրականացնողներին, միևնույն ժամանակ՝ թաքնվելով կնոջ փեշերի տակ, խաղաղություն մուրալ իր «կիրթ ու կառուցողական» քիրվայից: Այսքանն է Նիկոլի «դուխը», ավել բան մի սպասեք»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ