Եկեք ընդունենք, որ բոլորս էլ սխալվել ենք․ վարչապետ

Ես երեկ ավելի քննադատաբար էի վերաբերվում ոստիկանության աշխատանքին, քան այսօր, որովհետեւ երբ ես երեկ տեսա հակահամաճարակային կանոնները չպահպանելու մասշտաբը, ես սարսափեցի այդ մասշտաբից:

Ոստիկանությունում էլ այդ վարքագծի կանոնները պահպանելու խնդիր կա: Մենք դեպքեր ենք տեսնում, որ ոստիկանության աշխատողներն էլ չեն պահպանում այդ կանոնները: Եթե ես վարակվել եմ, ես էլ չեմ պահպանել: Եկեք ընդունենք, որ բոլորս էլ սխալվել ենք ու միասին իրավիճակը վերցնենք մեր հսկողության տակ»,-ասաց նա:

Նա ընդգծեց, որ երեկ եւ այսօր հանրային վերահսկողության կոմունիկացիայով առաջիկա շաբաթ-կիրակի օրերին պլանավորված տասնյակ հարսանիքներ են բացահայտել, որտեղ պետք է հրավիրված լինեին հարյուրավոր հյուրեր. «Մենք դա կասեցրել ենք»:

Վարչապետ Նիկոլ Փաշինյանը համաձայն չի այն կարծիքի հետ, որ  կորոնավիրուսի տարածման եւ ստեղծված իրավիճակի համար մեղադրանքներ են հնչում քաղաքացիների նկատմամբ։

«Ոչ մի մեղադրանք չի հնչում, հնչում է իրավիճակի գնահատական, այսինքն՝ մենք պետք է ախտորոշենք մեր իրավիճակը, ախտորոշենք, թե ինչը այնպես չենք արել եւ անում, որ այս ամենը տեղի է ունենում։ Մեղադրանքի խնդիր չկա, մեղադրանք հնչում է այն ժամանակ, երբ լինում է տուժող կողմ եւ լինում է վնասը պատճառած կողմ։ Այստեղ չկա տուժող եւ վնասը պատճառած կողմ, մենք բոլորս միասին եւ տուժողն ենք, եւ վնասը պատճառողն ենք, հետեւաբար, այս ամենի լուծումը մեկն է՝ հանրային վերահսկողությամբ մենք պետք է դառնանք մեր վարքագծի վերահսկողը։ Մեր հիմնական նպատակն է, որ հրաժարական տա կորոնավիրուսը եւ դրան պետք է հասնենք միասին»,- նշեց նա՝ հավելելով, որ երեկվանից հաջողվեց հասկանալ մեր պրոբլեմի ծավալը ․ «Ուզում եմ շնորհակալություն հայտնել  այն քաղաքացիներին, որոնք ի հեճուկս աղմուկ-աղաղակի մասնակցեցին երեկ եւ այսօր հանրային վերահսկողության ֆլեշմոբին: 

Այսօր արդեն, երբ արձանագրեցինք խախտումներ ամենատարբեր տեղերում, ես համարում եմ, որ մեզ հաջողվեց իրականացնել փոքրիկ մինի-հեղափոխության, քանի որ տեսանք կարգապահության առնվազն տեսանելի փոփոխություն: Մտադիր եմ շարունակել այդ գործընթացը: Ամեն օր մեր իմ ֆեյսբուքի էջում կլինի լայն արձագանք դրան: Սրանով սկսում ենք հանրային վերահսկողության թիմի ձեւավորումը, որը առաջիկայում ամենօրյա աշխատանքով կկատարվի»:

«Ինձ համար շատ կարեւոր է հասկանալ պատճառները, թե ինչու են մարդիկ այդքան անփույթ վերաբերվում հակահամաճարակային կանոններին. ես գտել եմ այդ հարցի պատասխանը:

«Կարող եմ ասել, որ մենք այս տարվա հունիսի 1-ի դրությամբ 357 մահ ավելի քիչ ունենք, քան 2019-ին: Ավելին ասեմ, 2020-ի մայիսին 320-ով պակաս մահ է գրանցվել ՀՀ-ում: Ուզում եմ անդրադառնալ այս երեւույթի պատճառներին ու հետեւանքներին: Հետեւանքն այն է, որ չնայած համաճարակի հետ կապված մեծ աղմուկին, մարդիկ սկսել են ավելի քիչ լսել մահվան դեպքերի մասին: Սա չի կարող ենթագիտակցական ազդեցություն չունենալ: Իսկ որն է պատճառը. նախ կորոնավիրուսը կլանել է սովորաբար տեղի ունեցող մահերը, եւ այն մարդիկ, որոնք նախորդ տարի մահացել են այլ պատճառներից, այս տարի մահացել են կորոնավիրուսից:

Երկրորդը, ինչու են ավելի քիչ մահացել, որովհետեւ այս տարի կորոնավիրուսի բերումով շատ ավելի մեծ թվով մարդիկ են ստացել բժկական ծառայություններ: Կորոնավիրուսի բերումով շատ մարդիկ հոսպիտալացվել էին եւ բուժվել են ոչ միայն կորոնավիրուսից, այլեւ այլ հիվանդություններից»,-ասաց Փաշինյանը: