30 01 2023

Այն, ինչի միջով անցնում է շրջափակված արցախցին, ոչ այլ ինչ է, քան հայի գենը փրկելու անձնազոհ տառապանք․ Սենոր Հասրաթյան

Այն, ինչի միջով անցնում է շրջափակված արցախցին, ոչ այլ ինչ է, քան հայի գենը փրկելու անձնազոհ տառապանք․ Սենոր Հասրաթյան

Գնդապետ, Արցախի զինված ուժերի տեղեկատվության և հասարակայնության հետ կապերի բաժնի նախկին պետ Սենոր Հասրաթյանը  գրում է.

«Շուրջ  50 օր ձգվող շրջափակման ընթացքում ինքս ինձ համար առանձնացրել եմ արցախցուն բնութագրող մի շարք առանձնահատկություններ, որոնցից կարևորում եմ, հատկապես, երկուսը. նախ, որ արցախցին, ինչպես միշտ, վճռական է տրամադրված  հաղթահարելու ցանկացած դժվարություն և մնալ ՏԵՐԸ իր հող ու ջրի և, երկրորդ՝ որ նա դեռևս աստվածատուր համբերատարությամբ  շարունակում է հանդուրժել բոլոր նրանց, ովքեր դավաճանել և դավաճանում են իրեն...

Մտածող հայը պարտավոր է գիտակցել, որ այն, ինչի միջով անցնում է շրջափակված արցախցին, ոչ այլ ինչ է, քան ՀԱՅԻ գենը փրկելու անձնազոհ տառապանք, իսկ նրանք, ովքեր դա չեն գիտակցում, վաղ թե ուշ պարտադրված են լինելու առերեսվել այդ ճշմարտության հետ և հատուցել կատարվածի համար, անկախ նրանից, թե որտեղ կամ ում հովանավորության տակ են... Հավատացե՜ք, դա լինելու է ոչ միայն իրեն վերագտած ՀԱՅԻ համահավաք  ցանկությունը, այլև, ավելի շատ, ԱՍՏԾՈ կամքը...»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ