02 12 2022

ԱՀ ճանաչման գործընթացը բացարձակապես չի հակասում ՀՀ անկախության հռչակագրին. Անդրանիկ Թևանյան



Բուն նախագիծը քննարկում չի ունեցել Արցախի խորհրդարանի հետ, բայց մենք հիմք ենք ընդունել Արցախի խորհրդարանի կոմղից ընդունված բազմաթիվ հայտարարություններ: Ազգային ժողովում ասաց «Հայաստան» խմբակցության պատգամավոր Անդրանիկ Թևանյանը՝ պատասխանելով իշխանական պատգամավոր Վահագն Ալեքսանյանի հարցին՝ արդյոք նախագիծը քննարկվել է Արցախի իշխանությունների կամ խորհրդարանի ղեկավար կազմի հետ:

Նշենք, որ ԱԺ-ում քննարկվում է Ադրբեջանի խորհրդարանի 2022 թվականի նոյեմբերի 8-ի հայտարարությանը պատասխանելու՝ ընդդիմության ներկայացրած առաջարկը։

«Հիմք ենք ընդունել Հայաստանի օրենսդրությունը, հիմք ենք ընդունել այն հայտարարությունները, որոնք արվել են և Ղարաբաղի ժողովրդի հավաքական կամքի դրսևորումը, որը մասնավորապես երևաց նաև հոկտեմբերի 30-ին: Եթե դուք ծանոթ եք՝ հոկտեմբերի 30-ի Արցախի խորհրդարանի որոշմանը, ապա առաջին կետով նշված է, որ Արցախը չի կարող լինել Ադրբեջանի կազմում և չի եղել երբեք անկախ Ադրբեջանի կազմում»:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ