Մեկ անձի ցուցմունքի հիման վրա կալանավորվել են Ներքին Կարմիրաղբյուր բնակավայրի վարչական ղեկավար Լևոն Առաքելյանը և Բերդի համայնքապետարանի աշխատակազմի ղեկավար Հասմիկ Մելիքյանը:
«Զորավոր համայնք» դաշինքի նախընտրական շտաբի ղեկավար Արամ Նիգոյանը Yerevan.Today-ի հետ զրույցում ասաց, որ այս գործելաոճով իշխանությունները փորձում են ճնշումներ գործադրել:
«Ասում են՝ իբր թե Ներքին Կարմիրաղբյուր վարչական ղեկավարն ու Բերդի համայնքապետարանի աշխատակազմի ղեկավարը մանկապարտեզի վարիչի նկատմամաբ ճնշում են գործադրել, բայց նման բան գոյություն չունի: Ուղղակի սրանով ուզում են զսպել մեզ, ուրիշ բան չկա: Ժողովուրդը մեզ է ընտրել, բայց իշխանությունն իրենց ձեռքում է, մեր ձեռքում ի՞նչ է եղել, որ ճնշեինք»:
* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը