Մենք ունենք վարչապետի մի քանի թեկնածու, բայց, կարծում եմ, երբ հասնի պրոցեսին՝ ժողովուրդը պետք է ընտրի․ Ագնեսա Խամոյան

«Պարզվում է, Գեղամ Մանուկյանի հասցեին ՔՊ-ականների կողմից հնչեցված ռեպլիկների, հարձակման   պատճառը երեկվա իրադարձություններն են, ՔՊ-ական պատգամավորները հայտնեցին, որ երեկ մի շարք քաղաքացիներ գնացել են իրենց տներ, եղել են նաև որոշակի գործողութուններ, իրենց զրույցներից, բորբոքվածությունից այդպես հասկացա։  Մեր խնդիրը ՔՊ-ական պատգամավորների ընտանիքների հետ չէ, իսկապես պետք չէ ընտանիքներին խառնել որևէ քաղաքական պրոցեսի մեջ։ Բայց մյուս կողմից՝ քաղաքական մեծամասնությունը պետք է գիտակցի՝  թե ինչ իրավիճակում ենք հիմա մենք գտնվում  և թե՝  ինչ է կախված իրենց քայլերից․  բայց՝  բռնությունը  ես դատապարտում եմ և պաշտոնապես հիմա հայտարարում եմ, և,   մեր քաղաքական ուժում չկա որևէ մեկը, որը կողջունի բռնությունը, բայց մյուս կողմից ՔՊ-ական պատգամավորները պետք է գիտակցեն երկրում ստեղծված իրավիճակը և դադարեն Նիկոլ Փաշինյանի գերի լինելուց,  պետք է գնալ իշխանափոխության ու փոփոխությունների»,-ասաց «Հայաստան» խմբակցության պատգամավոր Ագնեսա Խամոյանը ԱԺ-ում լրագրողների հետ զրույցում։

«Լավ, կարող են իրենք ասել թեկնածուի անունը, տարբերակ եմ առաջարկում, ես առաջարկում եմ տարբերակ թող իրենք՝ ՔՊ-ականներն ասեն թեկնածուի անունը, բայց այդ թեկնածուն պետք է կապ չունենա պատերազմի ու  պարտության հետ»,-ասաց Խամոյանը։

Մանրամասն՝ տեսանյութում։