16 06 2022

Սրանցից պետք է ազատվել ցանկացած եղանակով, այլապես նոր կործանարար պատերազմը հեռու չէ․ Արտակ Զաքարյան

Սրանցից պետք է ազատվել ցանկացած եղանակով, այլապես նոր կործանարար պատերազմը հեռու չէ․ Արտակ Զաքարյան

Արտակ Զաքարյանը ֆեյսբուքյան իր էջում գրում է․

Հայաստանի և տարածաշրջանի համար խաղաղ զարգացման դարաշրջան բացելը, այնուամենայնիվ, արտահերթ ընտրությունների արդյունքներով ժողովրդի առաջ Կառավարության ստանձնած մեծագույն առաքելությունն է: Կառավարությունը գիտակցում է, որ այս խնդրի լուծումը միայն Հայաստանի Հանրապետությունից չի կախված, այլև տարածաշրջանի մյուս երկրների կեցվածքից և ցանկությունից: Հայաստանի Հանրապետության կառավարությունը ստանձնում է տարածաշրջանի համար խաղաղ զարգացման դարաշրջան բացելու իր բաժին անելիքը և պատասխանատվությունը»:

Այս մեջբերումը կապիտուլյանտ Նիկոլի ելույթից է, որը նա ունեցել է 2021թ. օգոստոսի 18-ի կառավարության նիստում, երբ ներկայացնում էր կառավարության ծրագիրը:

Նա հստակ ասում է, որ ժողովուրդն իրենց կառավարությանը տվել է խաղաղություն հաստատելու մանդատ և իրենք ստանձնում են իրենց բաժին պատասխանատվությունը:

Անցել է 10 ամիս, և երեկ Ազգային Ժողովում նույն կապիտուլյանտ Նիկոլը հայտարարում է «Ոչ ոք երաշխիք չի կարող տալ, որ խաղաղության օրակարգը հաջողություն կունենա»:

Փաստացի կապիտուլյանտը խոստովանում է իր հերթական խոշոր ձախողումը, կամ իր հերթական խոշոր խաբեությունը: Նման դեպքերում պատիվ, արժանապատվություն, նամուս ունեցող կառավարությունները հրաժարական են տալիս: Իսկ մեր աննամուսներին դա բնականաբար չի վերաբերում:

Դուք կասեք, ի՞նչ հրաժարական երբ սրանք երկիր, բանակ, հայրենի հողեր, տնտեսություն, ազգային արժանապատվություն, մարդկանց կյանքեր են կործանել ու հրաժարական չեն տվել: Եվ դուք իրավացի եք: Սրանցից պետք է ազատվել ցանկացած եղանակով, այլապես` նոր կործանարար պատերազմը հեռու չէ:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ