14 03 2019

«Իմ քայլ»-ում կիսվել են բանակների․ «Հրապարակ»

«Իմ քայլ»-ում կիսվել են բանակների․ «Հրապարակ»

«Հրապարակ»-ը գրում է․ ««Իմ քայլը» խմբակցությունում մի հարցի շուրջ երկու թևի են բաժանվել՝ հայտնի աղմկահարույց միջադեպից հետո հրավիրե՞լ Պետական վերահսկողական ծառայության պետ Դավիթ Սանասարյանին խմբակցությունում «հաշվետվություն» ներկայացնելու, թե ոչ։

Եթե մեծամասնությունը ուզում է բացատրություններ լսել, թե ի վերջո ինչ է տեղի ունեցել, և արդյոք Սանասարյանն անձամբ մասնակցե՞լ է «Զորաշենի» հովանավորչությանը և մրցակից ընկերությունից բիզնես խլելուն, ապա ակտիվ փոքրամասնությունը, ի դեմս ՊՎԾ պետի նախկին տեղակալ Տիգրան Ուլիխանյանի, որն այժմ պատգամավոր է, համաձայն չէ, և հակադարձում են, թե դրանով կնսեմացնեն կառույցի դերակատարումը։

Եթե ցույց տան, որ կասկածում են վարչապետի ենթակայության տակ գործող կառույցի ղեկավարին, դա կնշանակի, որ այլևս որևէ մեկը չի հավատա այդ կառույցին։ Թե որ կողմը կհաղթի այս պայքարում, դեռևս հայտնի չէ»։

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ