22 02 2019

Սասուն Միքայելյանը որոշել է 7 օր-7 գիշեր միջոցառում անել․ «Հրապարակ»

Սասուն Միքայելյանը որոշել է 7 օր-7 գիշեր միջոցառում անել․ «Հրապարակ»

«Հրապարակ»-ը գրում է․«Սասուն Միքայելյանը սկսել է հարմարվել «Երկրապահի» ղեկավարի կարգավիճակին։ Մեր աղբյուրը պատմեց, որ գրեթե ամեն օր նա գնում է ԵԿՄ գրասենյակ, ծանոթանում փաստաթղթերին։ Անցած շաբաթ աշխատանքային խումբ է ձեւավորել, որ զբաղվեն առաջիկա արտահերթ համագումարով, որի ժամանակ կկայանա ԵԿՄ նախագահի ընտրությունը, սակայն օրերս այդ խմբին հանձնարարել է զբաղվել այլ միջոցառումների նախապատրաստմամբ։

Նա մտադիր է շարունակել իր նախորդների ավանդույթները եւ գարնան առաջին օրը՝ մարտի 1-ը, դիմավորել Աշտարակի ձորում՝ «Սարոյան եղբայրներ» ֆիլմի հայտնի «Ջաղացի քար» վայրում։ Իսկ մարտի 5-ին Վազգեն Սարգսյանի 60-ամյակն է, ու Միքայելյանը որոշել է 7 օր-7 գիշեր միջոցառումների շարք կազմակերպել։ Համագումարը, հետեւաբար, կտեղափոխվի մարտի վերջ-ապրիլի սկիզբ եւ, նախնական որոշմամբ, կառավարության դահլիճում կանցկացվի․ «Եթե, իհարկե, Սասունը չցանկացավ ավելի ճոխ պայմաններում նշել»»։

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ