01  02  2019

Կառավարության նոր կառուցվածքը չհաստատելու պատճառը․ «Հրապարակ»

Կառավարության նոր կառուցվածքը չհաստատելու պատճառը․ «Հրապարակ»

«Հրապարակ» թերթը գրում է. «Գործուղման մեկնած առողջապահության նախարար Արսեն Թորոսյանը վերադարձից հետո անպայման կերդվի՝ ասացին նախագահականից:

Հիշեցնենք՝ նա չմասնակցեց երդմնակալությանը։ Նույն ընթացակարգո՞վ, նույն դահլիճո՞ւմ։ «Թերեւս՝ այո, չնայած հնարավոր է եւ ավելի փոքր դահլիճում, նախագահի ներկայությամբ կարդա երդման տեքստը»: Ի դեպ, չի բացառվում, որ Թորոսյանի հետ երդման գնա նաեւ էներգետիկայի նորանշանակ նախարարը:

Չնայած էներգետիկայի նախարարությունը տարածքային կառավարման կազմի մեջ միավորելու մտադրությանը, եւ Սուրեն Պապիկյանն արդեն իսկ հանդիպում է էներգետիկների հետ, սակայն այս հարցը փակված չէ, եւ կառավարության կառուցվածքը չի հաստատվում հենց այս նախարարության կարգավիճակի պատճառով, որովհետեւ Փաշինյանին համոզում են, որ ՀՀ-ն ատոմային էներգիայի երկիր է, աշխարհում 39 երկիր կա, որոնցից 37-ում էներգետիկայի նախարարությունն առանձին ինֆրակառույց է, եւ որոշել են չշտապել, հանգիստ քննարկել հարցը։

Ի դեպ, Տիգրան Ավինյանն էներգետիկայի նախարարի պաշտոնում առաջ է հրում փոխնախարար Տիգրան Արզումանյանին: Առաջիկա օրերին Փաշինյանի մոտ կքննարկվի ամբողջ փաթեթը»:

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ