ՄԻԵԴ-ի որոշման վերաբերյալ գլխավոր դատախազության պարզաբանումը զավեշտի ժանրից էր. «Ժողովուրդ»

«Ժողովուրդ» օրաթերթը գրում է.  «Գործարար Սամվել Մայրապետյանին առնչվող քրեական գործի վերաբերյալ ՄԻԵԴ որոշման մասին ՀՀ գլխավոր դատախազության երեկվա պարզաբանումը զավեշտի ժանրից էր: Այդ պարզաբանումն ավելի շատ հիշեցնում էր քաղաքական գնահատականներ, զգացմունքային տվայտանքներ, քան իրավական ծանրակշիռ խոսք։ Չգիտես ինչու, ՀՀ գլխավոր դատախազ Արթուր Դավթյանը համոզված է, որ ԶԼՄ-ներն են սխալ մեկնաբանել ՄԻԵԴ որոշումը, և լրատվական դաշտի հասցեին այս կառույցը մաղձի մի հսկա չափաբաժին է շռայլել: Միաժամանակ նախաքննությունը հսկող կառույցն արդարացել է, թե ՄԻԵԴ-ը Մայրապետյանի գործով իրավունքի խախտման փաստ չի արձանագրել: Մինչդեռ ՄԻԵԴ-ում ՀՀ նախկին ներկայացուցիչ Ռուբեն Մելիքյանը «Ժողովուրդ» օրաթերթի հետ զրույցում պնդեց. «Ցավալի էր, որ դատախազությունը այնպիսի տպավորություն էր ստեղծում, որ, կարծես թե, որոշման համար որեւէ հիմք չկար, քանի որ մեր պատկան մարմինները իրենցից կախված ամեն ինչ անում են տվյալ դեպքում։ Բա եթե այդքան ամեն ինչ լավ է, բա ինչո՞ւ է այդքան ամեն ինչ վատ»:

Ավելի մանրամասն՝ «Ժողովուրդ» օրաթերթի այսօրվա համարում: