19 12 2018

Օպտիմալացումից հետո գերատեսչությունների աշխատակիցները կարող են զրկվել աշխատանքից. «Ժողովուրդ»

Օպտիմալացումից հետո գերատեսչությունների աշխատակիցները կարող են զրկվել աշխատանքից. «Ժողովուրդ»

«Ժողովուրդ»-ը գրում է. «Կառավարության կազմի և´ կառուցվածքի մասին փոփոխությունների մա­սին տեղեկություններն առաջին հեր­թին անհանգստացրել են այդ գերա­տեսչությունների միջին ու ստորին օղակի աշխատակիցներին:  «Ժողո­վուրդ» օրաթերթի տեղեկություններով՝ այս օրերին բոլոր գերատեսչությունների աշխատակիցները գտնվում են սպասողական և ճամպրուկային վիճակում՝ հասկանալով, որ օպտիմալացումից հետո կարող են զրկվել աշ­խատանքից: Եվ խոսքը բավականին մեծ թվով աշխատակիցների մասին է, ովքեր կմնան գործազուրկ:  Ի վերջո, կրճատվելու է մեկ փոխվարչապետի հաստիք, իսկ նախարարությունների թիվն էլ 17-ից կարող է դառնալ 11 կամ 12, և այս փոփոխությունները չեն կա­րող չհանգեցնել կրճատումների:  Ըստ տարբեր հաշվարկների՝ այս օրերին քննարկումները շարունակվում են, և իշխող ուժի ներկայացուցիչները փորձ են անում հասկանալ՝ որ գերատեսչու­թյունը որին միացնեն, աշխատողնե­րին ինչպես տեղաբաշխեն: 

Ընդ որում, նրանք այդ ամենը քննարկելուց հաշվի են առնում և ուսումնասիրում միջազ­գային փորձը: «Ժողովուրդ» օրաթեր­թին հայտնի դարձավ, որ փոփոխությունները միայն նախարարություննե­րի մակարդակով չեն լինելու, և ուսում­նասիրվում են նաև կոմիտեների, ԾԻԳ-երի և ՊՈԱԿ-ների աշխատանք­ները, և այստեղ ևս փոփոխություններ կարվեն:  Մեր տեղեկություններով՝ այս պահին հաշվարկ չկա, թե այս փոփո­խությունների արդյունքում քանի մարդ կմնա առանց աշխատանք, սակայն կառավարության ներկայացուցիչները քննարկում են այլընտրանքի ստեղծ­ման հնարավորությունը»,-գրում է թերթը:

Նյութն ամբողջությամբ կարդացեք թերթի այսօրվա համարում:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ